Tiveron traballo entre a tarde e a madrugada de onte os Bombeiros da comarca.

Incendio en Vimianzo

Pasadas as 5:00h desta pasada madrugada, un local de hostalería vimiancés, o Restaurante A Lagoa, sufría un forte incendio. As lapas calcinaban a cociña e mesmo provocaron a caída dalgúns falso teitos do inmoble. Ao lugar acodían, avisados polo 112 trala chamada dun particular, Bombeiros de Cee, Garda Civil e Protección Civil. Puideron sufocar o lume antes de que houbese danos persoais, pero iso si, o local e o resto do edificio víronse afectados polo fume. Unha vez extinguido, os Bombeiros procederon a ventilar o local.  

Incendio nunha panadería

Os Bombeiros de Santa Comba apagaron o lume na panadaria de Fontecada Un fallo eléctrico é a causa máis probable da orixe dun lume que se iniciou nun forno da panadaría Montes, en Barbeira, Fontecada. Segundo confirmaron os Bombeiros de Santa Comba, ardeu por completo o baixo que era utilizado como panadería, sen afectar á vivenda da parte superior do inmoble. Eran ás 19:30h da tarde de onte, e o particular informaba que lle estoupara o forno da cociña, e que había moito fume porque había moito aceite queimándose. Ata o lugar, desprazáronse decontado os Bombeiros de Santa Comba que tras extinguir as lapas, ventilaron o local. A colaboración da Garda Civil e dos efectivos de Protección Civil tamén foi requirida polo 112 Galicia. Calcinados os fornos da panadaría de Fontecada

Fonte

• Axega.
• Redacción de QPC ([email protected])