Unha colisión en cadea deixa catro feridos en Vimianzo
15:12 22/10/15
Catro persoas resultaron feridas esta mañá en Vimianzo ó colidir tres vehículos que circulaban pola AC-552, no lugar de Caxadas. O CAE 112 Galicia tivo constancia do suceso sobre as 10:30 horas de hoxe, grazas á chamada dun particular que pedía axuda. Ademais, indicaba que había unha muller ferida de gravidade.
Así, dende o Centro de Atención ás Emerxencias, de inmediato, se pasou aviso a Urxencias Médicas, á Garda Civil de Tráfico e a Protección Civil de Vimianzo. O persoal do servizo de mantemento da estrada, tamén foi requirido polo persoal do 112 Galicia. Os servizos sanitarios confirmaron que os catro feridos foron trasladados ó Hospital Virxe da Xunqueira.
Novas relacionadas
- 19-10-15: Dúas persoas teñen que ser excarceradas tras un forte accidente no Carrizal.
- 13-10-15: Un accidente deixa 3 feridos en Baíñas.
- 07-10-15: Un accidente deixa unha persoa feridas en Canduas.
Fonte
- Redacción de QPC (info@quepasanacosta.com).
- 112.