Xoves. 24.09.2020
El tiempo

Vimianzo acondicionará unha área para caravanas na contorna do campo de fútbol

  • A Deputación realizará unha senda peonil en Tufións
Traballos de mellora da pavimentación de Cereixo
Traballos de mellora da pavimentación de Cereixo
Vimianzo acondicionará unha área para caravanas na contorna do campo de fútbol

Semanas activas arredor das infraestruturas vimiancesas.

Por un lado, o Concello continúa cos traballos de recuperación, mantemento e limpeza de todos os núcleos do municipio. O tenente de alcalde, Víctor Muíño, visitou os traballos de pavimentación no núcleo de Cereixo e as limpezas que se están acometendo na parroquia de Salto. A estes traballos únese a recuperación dos antigos xardíns, como os da parroquia de Salto.

Mentres, o Concello está a preparar a contorna do campo de fútbol para habilitala como área de autocaravanas, dando resposta ao incremento na demanda do turismo itinerante. Entre os traballos que se executarán atópanse a dotación de puntos de auga para dar abastecemento ás persoas usuarias, a limpeza e a colocación de sinalización para a correcta ubicación da zona.

Pequeno Monica Rodriguez e Gonzalez Formoso en Vimianzo

Ademais, o pasado venres recibían a visita do presidente da Deputación, Valentín González Formoso, e do deputado de Obras José Manuel Pequeño, para analizar o investimento de case medio millón de euros na novas sendas peonís na DP 1603 en Tufións (Vimianzo). As obras foron aprobadas no pleno deste venres e suporán unha importante mellora da seguridade para os viandantes. As obras executaranse no tramo que discorre entre os puntos quilométricos 2+850 e 3+480, e dotarase ao tramo de novo sistema de alumeado público, soterrando as liñas aéreas actuais e instalando 16 novas luminarias LED con soportes de 9 metros de altura.

comentarios