Xurxo Martiño expón na Sala de Exposicións Antón Mouzo de Vimianzo


O concello de Vimianzo inaugura o vindeiro sábado, día 21 de xaneiro, unha nova exposición de pintura na Sala de Exposición Antón Mouzo da Casa da Cultura. Esta Sala, que foi inaugurada o pasado 9 de setembro cunha exposición de pintura do pintor que lle dá nome, pretende ser un escaparate dos artistas locais.
Nesta ocasión será Xurxo Martiño, nacido en Caxadas, na parroquia de Cambeda, o pintor que amose a súa arte aos veciños e veciñas de Vimianzo e a todas aquelas persoas que queiran achegarse á Casa da Cultura de Vimianzo. A exposición permanecerá aberta ata o día 31 de marzo no horario de apertura habitual da Casa da Cultura (de luns a venres de 9.00 a 14.00 e de 16.00 a 20.00 horas; os sábados de 10 a 13 horas). A inauguración desta exposición será o vindeiro sábado día 21 de xaneiro ás 20 horas.
Novas relacionadas
- Unha viaxe pola nosa memoria coa vimiancesa Dolores Canosa.
- Os escaparates están vivos en Vimianzo.
- Unha praza por Dona Carmen Neira Marcos.
- Un filme sobre o Finisterre baixo o legado de Antón Mouzo.
- Corme expón xoguetes e Vimianzo a pintura de Antón Mouzo.
Fonte
- Nota de prensa do Concello de Vimianzo.