Marcos Mariño fará un taller de talla con motoserra na Carballeira de Zas

Moito máis que música trae a Carballeira de Zas. Así o corrobora a gran sesión vermú chea de mexillóns ou as singulares apostas pola Feira de Artesanía e o taller de talla con motoserra.

Será Marcos Mariño, escultor formado na Escola Mestre Mateo de Santiago de Compostela e artista que practica a talla con motoserra, o que realice un interesante taller. Marcos é un referente nacional nesta disciplina, tendo asistido a un campionato internacional en Rusia no 2017, no cal competiu con artistas de 16 países máis.

Mentres, ao longo do sábado serán máis de 20 artesáns os que asistirán a xa habitual Feira de Artesanía. O número de artesáns ascende a 24, xa confirmados nesta 35 edición, é o máis alto de todas as edicións celebradas ata o momento, atraendo profesionais de toda Galicia.
Artesáns do coiro, ilustradores, deseñadores de roupa ou bonecos, creadores de instrumentos musicais ou zocos, son so algúns dos postos que se van poder atopar os asistentes a festa, que dará comezo na mañá do sábado, e terá continuidade durante todo o día. Durante esta mañá do sábado tamén se celebrará a tradicional sesión vermú, da man dun vermú galego, que será servido por cocteleiros profesionais, para a súa perfecta degustación.

Carballeira 2018

As entradas para o festival están xa dispoñibles na páxina www.festadacarballeira.com e a través de Ticketea, cun prezo de preventa de 12€. Tamén se poderán obter directamente en despacho de billetes, cun custo de 15€ o bono de dous días. Como nas pasadas edicións, os asistentes poderán contar cunha zona de acampada gratuíta, situada a poucos metros do recinto, dotado de baños e duchas

Novas relacionadas

https://quepasanacosta.gal/galicia-escocia-e-xapon-protagonizan-unha-festa-da-carballeira-de-zas-mais-folk-ca-nunca/ https://quepasanacosta.gal/cento-e-unha-razons-para-ir-a-carballeira-de-zas/ https://quepasanacosta.gal/suso-lista-conducira-a-festa-da-carballeira/ https://quepasanacosta.gal/unha-viaxe-as-orixes-da-festa-da-carballeira-de-zas/

Máis información

• www.festadacarballeira.com.
• Facebook da Festa da Carballeira.
• Axenda Sonora da Costa da Morte.
• Axenda Costa da Morte.

Novas relacionadas

• 2017: A Festa da Carballeira vence ao orballo e ao vento coa súa música de raíz.
• 2017: Youenn Le Berre, flautista de Gwendal: “O público da Festa da Carballeira de Zas transmite maxia”.
• 2017: Fidel Otero: “A Carballeira si está en moi bo estado de saúde, non tanto a música folk”
• Carballeira 2016: A Carballeira de Zas bate marcas
• Carballeira 2016: Mago de Oz arrincou unha espectacular Carballeira de Zas.
• Carballeira 2016: Fidel Otero: “A Festa da Carballeira é algo que levamos dentro”.
• 2013: 30 anos de folk e festa na Carballeira de Zas.
• 2012: A música e a troula puideron ca chuvia na Carballeira de Zas.
• 2012: Lupe Nieto: “Boa música sen troula non cabe na Carballeira de Zas”.

Fonte

• Redacción de QPC ([email protected]).