Cumplindo o Calendario de visitas da Unidade Móbil do DNI aos Concellos da Costa da Morte, o pasado venres 2, e este vindeiro martes 6 de marzo, tócalles aos veciños de Zas poder facer os trámites “burrocráticos” sen ter que desprazarse. A unidade móbil do servizo de tramitación do DNI e Pasaportes da Policía Nacional tramitou case 69 documentos durante a pasada mañá do venres, uns documentos que se poderán recoller o vindeiro martes na casa do Concello en horario de 09:00 a 10:00 horas.

Grazas ás xestións realizadas polo Alcalde, Manuel Muíño, Zas recupera deste xeito un servizo que deixara de funcionar hai 10 anos a consecuencia dos recortes causados pola crise económica.

Ademais deste martes, a unidade móbil de tramitación do DNI desprazarase novamente a Zas a finais deste ano, concretamente o 29 de novembro.

Novas relacionadas

• Calendario de visitas da Unidade Móbil do DNI aos Concellos da Costa da Morte.
• Decembro 17: 8.600 veciños de toda a Costa da Morte tramitaron o seu DNI dende Carballo.

• Redacción QPC (info@quepasanacosta.com)