O 8 de xuño será a data límite para presentar as curtas que se presenten á III edición dos Premios Fouciño de Baio. Así o vén de anunciar o concello de Zas, entidade organizadora do certame, a través da publicación da ampliación no BOP - Boletín Oficial da Provincia -. As curtas que se presenten ao concurso, tanto na categoría de centros de ensino como na libre, poderán ter unha temática libre a súa duración non pode exceder os cinco minutos. Ademais, os diálogos deben ser en galego ou subtitulados en galego. Entre todas as pezas presentadas na categoría libre seleccionaranse dez curtametraxes finalistas e outras tres de reserva. No caso da categoría para centros de ensino, sempre e cando cumpran os requisitos establecidos, pasarán á final todas as curtas presentadas. Premios Repartiranse 1.000 euros en premios; dos cales, 300€ son para a categoría dos centros de ensino e 700€ para a categoría aberta. Ademais, os gañadores recibirán un trofeo. O público tamén poderá emitir a súa valoración das curtas participantes no certame e o traballo máis votado recibirá un trofeo. As Bases do concurso pódense consultar na páxina web municipal do Concello de Zas . Os gañadores desta edición coñeceranse o próximo 30 de xuño; día no Baio se converterá na capital do audivisual coa visita de caras moi coñecidas do audivisual galego, con obradoiros, proxeccións, entrega de premios e un festival ao aire libre. E nos días previos, do 25 ao 29 de xuño, celebrarase a semana do audiovisual coa proxección de distintos documentais. Novas relacionadas

• Fouciño 18: O audiovisual e a música volven a Baio na III edición dos Premios Fouciño
• Fouciño 18: Santi Romay, padriño dos Premios Fouciño
• Fouciño 18: MounQup e Igmig traerán as súas músicas ao festival dos Premios Fouciño
• Fouciño 18: Os Fouciños asaltan as aulas
• Fouciño 18: Os Fouciño volverán situar a Baio no centro do audiovisual galego.
• Interplay 18: O V Carballo Interplay recibe 256 webseries de todo o mundo.
• Fouciño 17: Curtas e moito máis nos Premios Fouciño de Baio:
• 06-07-17: Lucía Regueiro: “O sábado estarei por Baio para gozar coas curtamentraxes que participan nos Premios Fouciño”
• 25-06-17: “Cos Premios Fouciño queremos premiar a creatividade audiovisual da veciñanza”
• 20-06-17: Unha nova falsa sobre o descubrimento dunha anticitera serve de base para unha curta dos Premios Fouciño
• Fouciño 2016: Os Premios Fouciño convertiron a Baio na capital audiovisual da Costa da Morte
• Un fouciño audiovisual para loitar contra o illamento cultural da Costa da Morte:
• Curtas, charlas e un concerto protagonizan os Premios Fouciño de Baio.
• Os Premios Fouciño, os irmáns pequenos do Carballo Interplay
• Adro crea os ‘Premios Fouciño do audiovisual’.

Fonte

• Redacción de QPC ([email protected]).