Máis que interesante, nestes tempos de paro, o ciclo de talleres de experiencias, innovación e emprego que artella o Concello de Zas (nunhas actividades cofinanciadas pola Deputación da Coruña) no mes de novembro. Unha serie de actividades para ti, que buscas emprego, e ueres mellorar as túas posibilidades de encontralo.

Serán unha serie de obradoiros nos que ademais poderás acceder aos recursos empregados na sesión e consultar as dúbidas que te xurdan, a través do Aula Virtual. Talleres cos que poderás coñecerte mellor para fixar o teu obxectivo profesional, poderás orientarte mellor na búsqueda de emprego, e no que se traballar a “Marca Persoa”, o xeito de diferenciarse na rede optimizando o noso uso das redes sociais.

Programa

• Taller 1. Autocoñecemento e Activación. 2 de novembro.
• Taller 2. Cal e o meu obxectivo laboral? 3 de novembro.
• Taller 3. Técnicas de Búsqueda de Emprego. 14, 15, 16 de novembro.
• Taller 4. Identidade Dixital e Marca Persoal: Empregabilidade máis aló do CV. 21, 22, 23 e 24 de novembro.
• Taller 5. Obradoiro de simulación de entrevistas de traballo. 28 e 29 de novembro.
• Taller 6. Quero emprender, por donde empezo? 30 de novembro e 1 decembro.

O horario será sempre de 9,30 a 13,30 horas nas Aulas de Informática de Baio e Zas.

Curso de xestións e tramitación online

Outro dos cursos interesantes, de 20 horas e con horario aínda por determinar, será este de xestións online que servirá para adquirir os coñecementos e destrezas necesarios para realizar trámites cotiás coas administracións, propios de particulares e empresas, de forma segura a través de internet, usando o DNI electrónico, certificado dixital, o sistema cl@ve. Poderás aprender a realizar tramites sinxelos coa Xunta de Galicia, Deputación, Concello, Seguridade Social, SERGAS... a través de Internet.

Inscricións

Podes inscribirte ata o 31 de outubro e de balde, no Concello de Zas, Oficina da Técnica Local de Emprego, no tel. 981708303, ou en [email protected].

Novas relacionadas

• Outubro 2016: O paro medra na bisbarra tras o remate da tempada estival.

Fonte

• Concello de Zas.