81.500 pezas rescatadas en Bergantiños terán unha doble vida gracias Humana

Fai balance a Fundación Humana da campaña de recollida de roupa usada que fai na comarca de Bergantiños. Un repaso necesario para sexamos conscientes o que aportamos cando lavamos e metemos a roupa nun dos contedores de roupa usada no canto de tiralos ao lixo.

No que vai de ano, os veciños de Carballo (e nunha pequena porcentaxe de Laracha) donaron nada menos que 39 toneladas de roupa, o que equivale a 81.500 prendas que poden ser reutilizadas ou recicladas, dándolle así unha nova vida.

E ese feito que parece tan sinxelo debería ser moito máis habitual, pero os datos sinalan que só o 10% da roupa desbotada polos cidadáns españois se reaproveita. O 90% acaba en vertedoiros, contaminando ademais o medio ambiente (calculan que as 39 toneladas recolleitas de xaneiro a xuño representan un aforro de 124 toneladas de CO2 á atmosfera).

O destino da roupa usada

As pezas depositadas nos contenedores de Humana teñen dous destinos: o 85% trátase nas tres plantas de preparación para a reutilización da Fundación (en Madrid, Barcelona e Granada) e o resto véndese a empresas de reutilización e reciclado. O destino das pezas tratadas é:

• O 52% destínase á reutilización: o 13% a través das tendas secondhand de Humana en España e o 39% se exporta, principalmente a África, para ser vendido a prezos baixos e así xerar recursos para a cooperación ao desenvolvemento.
• O 37% atópase nun estado que non permite o seu reutilización polo que se vende a empresas de reciclaxe textil para que elaboren outros produtos como mantas, aislantes ou trapos para a industria de automoción.
• O 2% son residuos impropios (plástico, cartón, outros) que se pon en mans dos xestores autorizados correspondentes.
• O 9% non se pode reutilizar nin reciclar nin valorizar energéticamente e envíase a un centro de tratamento de residuos para a súa disposición final.

Con estes datos e esta transparencia, Humana quere seguir colaborando con países de África e Ameríca Latina, armando actividaes que xeneren recursos, por exemplo, a través do emprego inclusivo, estable e de calidade, deixando patente que é capaz de xerar un emprego indefinido por cada 36.000 kg de textil recolleito.

Novas relacionadas

• 2018: Novas vidas para máis de 70.600 pezas de téxtil