Da man da cooperativa cultural Culturactiva (entidade que promove a transformación social a través da cultura); chega á Ventana de Laxe, o artista Caxade. A cita será o mércores 23 de agosto a partir das 23:30h.

 A banda encabezada por Alonso Caxade vai presentar o seu último traballo, E isto é o amor, nunha versión íntima, máis próxima, do seu concerto.

Caxade ten un pé na tradición, na versión máis clásica das verbenas, e outro no indie, nas músicas modernas e unhas letras moi persoais, cheas de ironía, crítica e dozura.