Este Domingo ás 11:20 h. haberá un concerto musical de órgano. Con esta actuación quérese inaugurar o novo órgano que a parroquia de S. Vicente de Vimianzo adquiriu (Viscount 40 con dobre teclado e equipo de amplificación separadamente). O concertista é Adrian Gala, organista de nacionalidade polaca, estudou na Fryderyk Chopin University of music de Varsovia, esta universidade é a máis grande e máis antiga escola de música en Polonia e unha das máis grandes de Europa. Dará un concerto de órgano de 40 minutos e logo tocará na Misa de 12:00, que será cantada en polaco e latín. O día anterior, o mesmo organista dará outro concerto na localidade de Santa Comba. Organiza este concerto a asociación Stabat Mater e a parroquia de S. Vicente de Vimianzo e conta co patrocinio da fundación Abanca, que sufragou parte da viaxe desde Polonia do artista.