O Casino 1889 de Carballo convoca este sábado a socios e veciños para dar a coñecer o funcionamento doutros grupos de consumo de Galicia e tratar de establecer, así,  as sinerxias que permitan imitar e reproducir un grupo destas características na vila bergantiñá, que beneficie a produtores e consumidores ao establecer relacións de intercambio ecolóxicas, xustas e de igualdade. Está confirmada a presenza de membros do grupo Chulas e Bochos, desde O Morrazo, e de Zocamiñoca, da Coruña. A partir das 18.00 horas!