As grandes Festas do Carmen de Camariñas son unhas das máis esperadas do ano. Este ano 2018 volven fortes coa visita das Combo ou París de Noia entre outras. As citas serán do 14 ao 18 de xullo, cando haberá unha gran festa na praia, con sardiñada, na Area da Vila.

O próximo sábado, 14 de xullo, dan comezo toda unha batería de actos que, ao longo do 15, 16, 17 e 18 de xullo desenvolven a programación das Festas do Carme de Camariñas.

Este ano, e dadas as dificultades para constituír unha Comisión con tempo suficiente para afrontar unha organización necesariamente complexa, a programación e execución dos traballos que dan forma ás festas fíxose nun tempo record de apenas dous meses. A pesar das dificultades creemos, dende o equipo humano que fixo posible este milagro, que se ten acadado un programa digno que volve a situar as Festas do Carme de Camariñas entre as primeiras de Galicia.

1.- O sábado 14, as 20 horas, entregarase o recoñecemento CAMARIÑANA DE HONRA á atleta camariñana Paula Esteiro Ramos. Será na Casa de Pedra. Pola noite haberá música a cargo da Disco Móvil Impacto que estará presente nas festas tódolos días de madrugada.

2.- O domingo 15 celebrarase a MiniDanza a cargo dos nenos e das nenas do Campamento Urbano -mais de 150- que rematará na Praza do Concello onde leerá o Pregón das Festas a Camariñana de Honra Paula Esteiro Ramos. Será presentada por Marcial Mouzo, pregoeiro de 2017. A Sesión Vermut correrá a cargo de Judit Cundíns. Pola noite contaremos coa actuación do COMBO DOMINICANO.

3.- O luns 16, día do Carme, comezarán os actos cunha homenaxe e honra a tódolos homes do mar e membros da Danza de Arcos que nos deixaron neste ano. Este acto contará coa actuación da soprano Sole Vidal e farase na Praza de Insuela desde a Danza de Arcos sairá, para recoller ás autoridades, cara a Praza do Carme desde onde partirán bailando polas rúas de Camariñas ate a igrexa parroquial de San Xurxo. De alí partirá a procesión cara o porto onde, como é tradicional, celebrarase a Misa do Carme. Posteriormente sairá a procesión marítima rumbo a Muxía e Merexo.

Esta xornada estará amenizada por grupos folclóricos, bandas de música e actucións de cantareiras que levarán a festa a tódolos recunchos da vila de Camariñas. As actuacións musicais dese día estarán a cargo das orquestas RITMO JOVEN e GRUPO BOMBA

Mención especial merece o programa de fogos de artificio cos que conta esta edición do Carme. Ao retorno da procesión marítima haberá unha monumental traca e, xa de madrugada, os camariñáns e visitantes poderán desfrutar dunha das maiores sesións de fogos artificiais que hoxe se poden ver en Galicia.

4.- O martes 17, as 12, procesión para devolver á imaxe da Virxe do Carme á igrexa parroquial de San Xurxo, acompañada da Danza de Arcos, onde será recibida por unha gran trata de fogos artificiais. Seguirán as actuacións de grupos folclóricos e cantareiras ao longo de todo o día e, pola noite, gran verbena a cargo dos grupos MARBELLA e PARÍS DE NOIA,

5.- E o  18, mércores, Gran Sardiñada na praia da Area da Vila con actuacións musicais, grupos folk, xogos populares e actividades diversas, para despedir as festas deste ano.

Dende a Comisión de Festas queremos agradecer a gran colaboración de tódolos camariñáns, en Camariñas e no mundo enteiro, que coa súa xenerosidade fan posible este milagro. Ás autoridades locais que se puxeron a nosa disposición dende o minuto un. Á hostelería local e as empresas que sempre nos abriron as súas portas. A Confraría de pescadores que colaborou coma nunca. E a moitos donantes anónimos que, non por descoñecidos, son menos importantes. E, moi especialmente, a tódolos integrantes da Danza de Arcos porque eles, xunto coa Procesión Marítima, son a auténtica imaxe do Carme. Gracias a todos.

  https://quepasanacosta.gal/o-carme-de-camarinas-un-exemplo-da-falta-de-relevo-nas-comisions-de-festas/