Interesante a charla de Xurxo Mariño que vai haber este martes 5 no Casino de Carballo, na que presentará o seu libro "Terra: ciencia, aventuras e sorpresas dunha viaxe arredor do mundo". É unha crónica de 11 meses de viaxe por medio planeta, na que fala de historia, bioloxía, antropoloxía, xeoloxía, e moitas cousas máis. Xurxo Mariño (Lugo, 1969), é doutor en Ciencias Biolóxicas e profesor da Universidade da Coruña. Dedica tamén unha intensa actividade á divulgación científica. Recibiu o Premio Nacional de Comunicación Científica (FECYT) en 2011, o premio Tesla de divulgación en 2014 e o premio Lois Peña Novo polo seu traballo a prol da lingua galega en 2017, entre outros.