Talía Teatro presenta o próximo venres 22 de febreiro en Narón o seu último espectáculo, Vida de cans. Pero xa o domingo 24 ás 20:00h, estarn na Casa da Cultura de Cee. Ademais, o 15 de marzo estarán no Pazo da Cultura de Carballo

Dani Trillo, Toño Casais e Artur Trillo protagonizan esta peza. A nova proposta de Talía Teatro vén referendada por un dos grandes nomes da escena galega, Cándido Pazó, quen escribe e dirixe esta montaxe: unha visión do mundo dos humanos desde o punto de vista de tres cans, Nemo, Lupo, e Nolo, interpretados por Dani Trillo, Toño Casais e Artur Trillo, respectivamente. Unha visión cómica en moitos momentos pero que non está exenta de crítica cara os seres humanos.

Dani Trillo encárgase do deseño do espazo escénico e da iluminación, Martina Cambeiro do vestiario e da maquillaxe, Fernando Fraga da música, Fausto Isorna do deseño gráfico e Rubén Prieto da fotografía e vídeo.