Venres. 28.01.2022
El tiempo
19:25
01/03/12

Ánimo Ramón

Ánimo Ramón
A xustiza e a verdade teñen de particular que, tarde ou cedo (para os que coma min carecemos de paciencia sempre é tarde), acaba por impoñerse. Esta mañá en Cee o fixo. A moción de censura que ven de colocar na alcaldía de Cee o Partido Popular é un puro canto ao cumprimento da palabra dada por parte do BNG e si algo lamento é que por esa mesma razón lle vaia custar aos edís do BNG en Cee a expulsión do partido. Dóeme porque nunca cumprir unha promesa custou tanto, nunca a democracia se viu tan vituperada como nesta ocasión, por parte da UPG, Guillerme Vázquez e aqueles incapaces de entender a excepcionalidade ideolóxica que supuña Cee para os seus representantes. Porque o que pasaba en Cee, para aqueles capaces de ver, oír e ler mais aló da súa carteira ou dos seus intereses era de auténtica traca. Por estas e outras razóns devolvo aos edís do BNG, a os seus militantes en Cee e aqueles que apoiaron esta durísima decisión (apoiar ao PP non pode ser nunca prato de gusto) a súa conduta e dende aquí lles expreso a miña admiración diante de algo tan pouco habitual como o cumprimento dunha palabra. “Nin por acción nin por omisión” dicían. E cumpriron. Lectura a parte merece a postura do PSdG-PSOE. O prazo de tempo para substituír á súa numero 1 pasou de perentorio a extremadamente urxente. Valeira xa de liderado algún, Amancia Trillo, a mercé dos elementos políticos que levaron o SOE en Cee ao maior desastre electoral da súa historia, vive entre a nula lexitimidade dunha edil puramente eventual a espera dun substituto capaz de recuperar o terreo perdido e a loita interna nas filas socialistas (cainita, ao meu entender) que fai máis complicado se cabe refacer un proxecto político necesario para que en Cee se recuperen as formas democráticas perdidas tralo paso de IxCee polo goberno.
Ogallá teña a dirección socialista tino para elixir as persoas adecuadas, toda vez que as declaracións en prensa nestes días non terminan de deixar claro si o SOE entendeu a mensaxe dos seus acólitos, capaces de apoiar ao BNG nas pasadas municipais antes que acollerse ao doloroso “Ánimo Ramón” do tormentoso pasado. Para rematar debería falar do goberno saínte… pero non quero. Hai moito por facer, moito por saber; a que dedicou os cartos o ex-alcalde para xuntar millóns de euros de débeda? Por qué a secretaría e a intervención non viron nunca claras as súas manobras? Cantas outras imputacións por decisións do ex-rexedor teremos aínda que ver ademais das sete coas que xa conta? Cantas facturas atoparan agora os entrantes nos caixóns do concello? Moitas? Tal vez algunha dedicada a sufragar a presenza dun medio de comunicación concreto no pleno “esportivo” deste xoves?, e sobre isto último: Quen vai pagar os 2.000 € que custou o show do ex–rexedor e os seus acólitos?. Por certo, agardaba tan pouca afluencia? Onde están os 1.800 que o apoiaron nas urnas?, que pasou, preferiron non dar a cara?... ou acaso agora son do PP?. Hai quedan, para a barra de xeo. Prefiro que na vez de estas resposte as que lle faga de novo a xustiza en, agardo, menos prazo do habitual na lenta xustiza española. Unha nova oportunidade, coma hoxe, para poder dicir “Animo Ramón”.
  • José Luis Louzán (louzan[arroba]quepasanacosta.gal).

Verdades

As Verdades como puños de José Luís Louzán

comentarios