Notas sobre a poboación de Cee (ss. XVI-XX): Conclusións sobre a validez das fontes parroquiais

09:30 12/07/11

Despois do exposto, parece que as fontes parroquiais teñen moitos defectos e que dificilmente se pode sacar conclusións fiables do seu estudio. Certo é que os arquivos parroquiais galegos, en xeral e a diferencia dos casteláns, son tardíos, mal conservados e contando ás veces con rexistros deficientes, pero aínda así teñen a avantaxe de ser a fonte de meirande representatividade social e ó mesmo tempo de ser a que menos poboación deixa fóra, polo que se converte nuha fonte insustituible á hora de afrontar estudios de carácter demográfico e social.

Dada a importancia da documentación parroquial e con miras ó seu emprego demográfico neste apartado, faise necesario un control crítico previo co fin de ver a fiabilidade da fonte, xa que desta fiabilidade depende a validez dos resultados presentados.

En primeiro lugar, calcularemos para o caso da parroquia máis importante, a de Cee, a relación de masculinidade nos nacementos. Esta proba sirve para comprobar o número de nenos que nacen por cada cen nenas. Científicamente está demostrado que nacen máis nenos ca nenos, aproximadamente nunha relación de 105 a 100, aínda que esta relación varía en función do número de nacementos anuais. Desde logo, as parroquias rurais do concello de Cee ofrecen unhas cifras máis “problemáticas” pero aínda así móvense nuns parámetros de aceptación que poderiamos considerar como prudentes e que se xustifican pola pouca entidade poboacional das mesmas onde tamén xoga un papel importante a presencia de clero pouco instruído máis tendente a levar un rexistro menos escrupuloso. No caso da parroquia de A Xunqueira os datos son ben tranquilizadores (a media obtida e de 107.6%), aínda contando con algunhas faltas importantes, o rexistro parece fiable a nivel xeral tal e como se pode ver na seguinte táboa onde agrupamolos datos en series de corenta anos para contar así cun número de nacementos máis grande, o que contribúe a evitar as fluctuacións propias de series pequenas:

Período	Total nacidos	Relación Mascul.	Tasa Masculinidade
1661-1700	865	107.5%	51.4%
1701-1740	1.031	110.5%	51.9%
1741-1780	1.077	106.1%	51.4%
1781-1820	1.278	100.3%	50.0%
1821-1860	1.411	113.7%	53.2%

A outra proba que efectuaremos é a da análise da división entre nacementos e matrimonios:

Período	Ameixenda	Brens	Cee	Lires	Toba
1661-1700	--	--	4.3	4.9	6.0
1701-1740	--	4.4	4.8	3.4	6.3
1741-1780	4.4	3.2	3.9	4.0	4.1
1781-1820	5.8	3.9	4.9	4.4	4.4
1821-1860	3.9	5.8	4.4	5.4	5.8

Os resultados non parecen indicar uns rexistros parroquiais moi defectuosos, se ben hai momentos nalgunhas parroquias, especialmente nas rurais, con datos que apuntan a certo descontrol, se ben estas situacións quedan superadas nos datos de nivel xeral, que son os que nos interesan á hora de levar a cabo un estudio como este. Sirva como exemplo de comparación que o Morrazo e a Ulla presentan para o s. XVIII unha media de 4.2 fillos, mentras que nas terras de Xallas, o Salnés ou Mondoñedo a media acada os 4.8 fillos por matrimonio. Polo tanto, o noso concello quedaría á metade de camiño doutras áreas xa estudiadas.

Víctor Castiñeira. (vmcastineira[arroba]quepasanacosta.gal)

Novas relacionadas

Unha viaxe histórica pola época medieval con Víctor Castiñeira.

As parroquias do concello de Cee: notas sobre a a súa poboación

As parroquias do concello de Cee: notas sobre a súa poboación (ss. XVI-XX): 1. O marco xeográfico-xurisdicional de partida.
As parroquias do concello de Cee: notas sobre a súa poboación (ss. XVI-XX): 2. As fontes para o seu estudio no século XVI.
As parroquias do concello de Cee: notas sobre a súa poboación (ss. XVI-XX): 3. O Censo de 1533.
As parroquias do concello de Cee: notas sobre a súa poboación (ss. XVI-XX): 4. 4. O Censo de 1571.
As parroquias do concello de Cee: notas sobre a súa poboación (ss. XVI-XX): 5. O Censo de 1587.
As parroquias do concello de Cee: notas sobre a súa poboación (ss. XVI-XX): 6. O Vecindario de 1587.
As parroquias do concello de Cee: notas sobre a súa poboación (ss. XVI-XX): 7. Análise do Vecindario de 1587.
As parroquias do concello de Cee: notas sobre a súa poboación (ss. XVI-XX): 8. O Censo de 1591 e resumo da evolución no século XVI.
As parroquias do concello de Cee: notas sobre a súa poboación (ss. XVI-XX): 9. O século XVII.
As parroquias do concello de Cee: notas sobre a súa poboación (ss. XVI-XX): 10. O século XVIII e primeiro tercio do XIX.
As parroquias do concello de Cee: notas sobre a súa poboación (ss. XVI-XX): 11. As veciñanzas de 1708.
As parroquias do concello de Cee: notas sobre a súa poboación (ss. XVI-XX): 12. As veciñanzas de 1711 e 1717.
As parroquias do concello de Cee: notas sobre a súa poboación (ss. XVI-XX): 13. Cee na segunda metade do século XVIII.
As parroquias do concello de Cee: notas sobre a súa poboación (ss. XVI-XX): 14. Cee no primeiro tercio do século XIX.
As parroquias do concello de Cee: notas sobre a súa poboación (ss. XVI-XX): 15. A evolución da poboación a través dos rexistros parroquiais (1600-1860).
As parroquias do concello de Cee: notas sobre a a súa poboación (ss. XVI-XX): 16. Os rexistros parroquiais: as faltas de carácter accidental.
As parroquias do concello de Cee: notas sobre a a súa poboación (ss. XVI-XX): 17. Os rexistros parroquiais: as faltas de carácter sistemático.
As parroquias do concello de Cee: notas sobre a a súa poboación (ss. XVI-XX): 18. Os rexistros parroquiais: as Visitas Pastorais.