Tufillo

Firmas QPC

Tufillo

14:03 22/04/11

Existe certo aire de surrealismo en todo o referente a O. Orquestra. Certo amor por Dali, Gaudi, os existencialistas e a “Nouvelle vague”, todo xunto e sen anestesia. Un imputado por seis delitos, que xuntos nas súas penas máximas significaría en caso de condena 30 anos de prisión afirma diante dun publico entregado (e evidentemente enfermo) que o mellor o cousa non chega nin a xulgarse. E ademais de crer o que di os presentes apláudenlle. Creo que toca facer un par de matices destes tan pegados a realidade… Primeiro. Un é culpable cando o condenan pero, ademais, cando as evidencias son palmarias na súa contra. Por exemplo, si un paisano é acusado de matar a muller despois de ser atopado co corpo na man, co coitelo cravado no pescozo da finada e empuñado aínda, cheo de sangue da defunta e despois de tela ameazado de norte en setecentas cincuenta e catro ocasións o mais probable é, permitídeme, que se trate do asasino. Si, ademais, en innumerables conversas telefónicas o mesmo tipo recoñeceu diante de propios e estraños que matara a muller por isto e o outro, repito, o mais probable, deixando a un lado abducciones extraterrestres e que se trate do homicida. Segundo. Si calquera dos que acudiu a jalear o candidato independente de Cee ten coche, en propiedade, e eu vou e llo roubo, son un ladrón. O son cando, con ducias de testemuñas e gravado polas cámaras de seguridade dun local cercano aparezo eu, entrando con violencia nun vehículo que non é meu e o arranco, fuxindo a toda velocidade. Isto é un delito, roubo con forza, e merece unha condena. E isto, legalmente, esta un nivel por debaixo da metade dos delitos polos que foi imputado o alcalde de Cee. Un nivel por debaixo quere dicir (para os que acudiron o mitin do pasado venres o digo) que e menos grave. E si, o alcalde tamén foi gravado “en claro recoñecemento da comisión dos delitos”. Non o digo eu, o din os investigadores. Terceiro. Si o que pasa é que a lei nos importa un bledo e nola pasamos polo forro entón, ollo, estou de acordo. Aviso que corro raudo a unha armería a facerme cunha escopeta coa que, dende xa, pasarei a impartir a miña “lei” que é o que defenden aqueles que insisten ata a saciedade en afirmar que “total, son todos iguais” ou “bo, iso non é nada”. Pois se iso non é nada, logo o roubo a man armada (con penas similares a prevaricación) tampouco. Cuarto e último. Aínda que moitos libros de autoaxuda o digan querer moito algo imposible ou improbable non o converte en realidade. Como un membro da lista do propio partido do alcalde afirmou en publico “Cando tes seis enfermidades tan graves pode que safes dunha, pode que de dúas, pero tarde ou cedo caes porque estas tan enfermo que resulta imposible salvarche a vida”… a vida política, engado eu. Conclusións. En Cee hai, aló menos, 300 persoas incapaces de participar dende a igualdade intelectual nuns comicios democráticos. Aló menos 300. Non están en condicións porque non entenden o mais simple dos pronunciamentos sobre os que se cimenta a democracia. Que a confianza no mandatario debe ser maior que a súa carteira… e que ninguén enredado en asuntos tan turbios, miserables e escabrosos merece nin a mais mínima das confianzas. Lastima, 300 persoas manchadas na pura inmundicia da mais baixa corrupción. Que pena.