Non sempre é postivo que hordas de turistas tomen por asalto a nosa vila. O estacionamento da hostelería, por exemplo, é un dos grandes pecados que impide que o verán poida ser ventaxoso para tódolos veciños. E, por que?… Pois a resposta é moi sinxela, o capitalismo e o seu libre mercado súmase aquí a un tecido empresarial, (moi pouco profesional en moitos casos, non todos), que toma medidas drásticas para quedarse con todo o pastel agardando máximos beneficios estes meses para despois superar outono, inverno e primavera aguantando con eses clientes indíxenas que apenas deixan para pagar a luz, sgae, impostos e outros gastos varios. O clásico empresario que agarda polo verán, sen máis repercusión. Seguros a media xornada para os meses de xullo, agosto e metade de setembro, si, claro, media xornada son doce horas o día, mínimo, extras de balde, sen días libres, nin descansos, as propinas para o xefe, e se falta algo xa o pon o empregado, probas low cost, extras e reforzos especiais, todo eso xa vai sen asegurar, que asi é mais económico. Falamos pois da precariedade levada ó seu máximo expoñente en décadas, sumado a un incremento esaxerado de problemas que repercuten no noso día a día, pero, sen que os oriundos obteñamos ningunha melloría con todo esto, é máis, é moi negativo para moitas cousiñas. O aumento da demanda dalgúns produtos tira os prezos danando gravemente a algúns sectores estratéxicos como mar, agro, alimentos, etc, e noutros casos (cando o produto é escaso pero aumenta a demanda) o prezo aumenta en demasía e tamén se volve na nosa contra. Exemplo: o marisco. O aumentar demasiado o seu prezo faise imposible para o peto dos autóctonos e ademáis xorde un fenómeno prexudicial para o sector pesqueiro porque un esaxerado número de furtivos (dentro e fora do sector) esquilma este recurso que chega os pratos dalgúns locais fresco, máis barato, sen IVE, e todo con B de Bárcenas, como non, tipical spanish, as veces incluso levan algunha cagalera de recordo, para que volvan. Pero o sector perde pasta, e moita. Noutros artigos de opinión xa falei do turista de cantimplora ou turismo low cost mais tamén pode ser un gran tema de discusión o emprego low cost, o estacionamento, o empresario gaivota, o furtivismo sectorial, etc, etc. E xa, para ir rematando, quero tamén anotar os aumentos de prezo de moitos produtos cotiás, colas máis longas en moitos establecementos, máis gastos para os concellos (xa pagamos nós, claro), imposibilidade para aparcar, meniños practicando o castelán cos seus novos amigos (es que están de vacacións), os alugueres son xa carísimos (ou dinche que só alugan a turistas, que esa é outra), pisos de aluguer só para estes meses, só para os turistas, e sen factura, como non, por descontado. Porque se as cousas se fixen con xeito sería positivo, claro que si, e moito, pero como todo se está facendo fatal pois os cincocentos novos contratos na Costa da Morte (somos cento vinte mil habitantes) supón un descenso do paro do 0.4 %. E a maioría son contratos semi-jobs, media xornada (daquela maneira), etc, etc, etc… e aínda así, toda esta pequena nube esfúmase antes do outono. Moitos xa deixarán o contrato o dia 30 de agosto, seguro. Polo que o resumo de hoxe e que, aquí, gañan algo co turismo catro persoas, algún empresario (especialmente) e algún dese 0.4 % (as migalliñas) e os demais, xa sabedes, a buscar onde aparcar e a facer cola, que xa pronto pasa todo e xa fuxen as catervas foráneas e xa baixan prezos, alugueres e centolas. E a morrer a miñoca ata o ano que ben, se seguimos aquí.  

• Óscar de Souto, pintor de follas en branco e autor de Trece Poemas.

Outros artigos de Óscar de Souto

• Caso Dunas de Laxe.
• A esencia das novidades.
• 17 de maio: Crónica dunha gran desfeita.
• Peregrinos de Autopista.
• A nosa sangue celeste.
• Descende o paro na Costa Morta.
• A creatividade costeira… florece na primavera.
• Mar de Fábula falará co mar nos coídos do Touriñán.
• O verdadeiros donos da Casa Republicana do Concello de Cabana.
• Buscando tesouros na praia de Laxe.
• A morte da Costa da Morte.
• Todos fomos ese neno labrego de Neira Vilas.
• Unha de cal e unha de area.
• Obscenidade, sexo e poesía.
• O Raio Vermello de Dombate.
• #12do12ás12: Galicia…. en pé de guerra.
• Con Laxe no punto de mira.
• Esta nosa Costa do Solpor.
• Brúan as vacas en Fisterra.
• A maxia dos sons ocultos.
• Carta aos amigos da radio libre.
• A puta conciencia.
• O rescate das gafas vermellas.
• Os Emperadores do mundo.
• Turismo de cantimplora.
• Os lobos feroces.
• En Laxe… os meniños escoitan cisnes.
• O Día das Letras… sen letras.
• Agora que as nosas casas son as casas do mar.
• Sen corpo para festas.
• Os timadores da bombona.
• Porcos e pienso.
• Alén dos nosos mares atlánticos.
• Con rumbo a porto esperanza.
• Crónica dunha morte anunciada.
• De vacacións a Suiza.
• Os laboratorios do verso.
• As nosas Rosalías.
• Esa amante secreta de Eduardo Pondal.
• O Dolmen de Dombate e o raio vermello do Solsticio de inverno.
• A envexa dos anxos e das prumas.
• Antón Borrazás, apagouse a túa luz.
• A cousa de Dombate… a debate.

Novas relacionadas

• Nova poesía para as ondas de radiONeria e Radio Roncudo con Óscar de Souto.
• Cabaneses que espallan cultura.

Fonte

• Redacción de QPC ([email protected]).