Incrible pensar como alguén se lle pode ocorrer descagar unha furgoneta chea de electrodomésticos vellos no marco dun espazo natural e patrimonial como o Castro de Montes Claros. Pero así aconteceu, así se atoparon a recuperaba zona a Policía Local esta fin de semana.

Se ben os operarios municipais x procederon á retirada do material depositado para evitar danos nese espazo de alto valor patrimonial e medioambiental, o Concello da Laracha informa de que denunciará ante a Garda Civil e o Seprona o vertido.

Paralelamente a Policía Local abriu unha investigación e solicita a colaboración cidadá para tratar de dar cos responsables.

Desde o Concello laméntase "a actitude incívica e insolidaria dos responsables deste acto, especialmente grave ao afectar a un espazo de alto valor patrimonial como é o Castro de Montes Claros e, ademais, por tratarse dun tipo de material que pode depositarse de xeito gratuíto no punto limpo da Laracha, o que garantiría
o seu correcto tratamento".