Venres. 27.11.2020
El tiempo

Laracha acolle un novo Obradoiro de Emprego dual de Conservación Forestal e de Carpintería

O actual Obradoiro de emprego de carpintería está traballando para mellorar paseo fluvial de Gabenlle
O actual Obradoiro de emprego de carpintería está traballando para mellorar paseo fluvial de Gabenlle
Laracha acolle un novo Obradoiro de Emprego dual de Conservación Forestal e de Carpintería

Os Concellos que participan na iniciativa dos Obradoiros de Emprego repiten. Así acontece cos concellos de Muxía, Camariñas e Vimianzo, e así pasa coa Laracha. Porque ter unha oportunidade de formar nunha profesión, pagando, a unha vintena de mozos, é algo que non se pode deixar escapar.

Laracha anuncia que volverá ter un Obradoiro de Emprego, o sexto programa dual de formación e emprego que organizará o Concello. Un obradoiro para 20 [email protected]@s, que ademais, supón a contratación do equipo directivo, formativo e administrativo composto por un director, un mestre para cada unha das dúas especialidades, un mestre/titor e un auxiliar administrativo.

Unha das especialidades será a de Actividades Auxiliares en Conservación e mellora de montes. Os proxectos que realizarán consistirán na posta en valor de zonas verdes públicas repoboándoas de árbores e vexetación autóctona e dotándoas con mobiliario urbano co propósito de mellorar as súas condicións para promover o seu uso e disfrute por parte da cidadanía. As principais intervencións serán na zona verde situada nas inmediacións do parque empresarial e a área recreativa de Gabenlle.

A outra especialidade será a de traballos de carpintería e moble. Encargarase da mellora do paseo fluvial do Anllóns –dando continuidade ao proxecto que está a executar actualmente o Obradoiro de Emprego A Laracha V- e tamén da renovación do mobiliario urbano e do peche perimetral da parcela do Centro de Interpretación dos Muíños de Auga da Costa da Morte de Golmar.

En próximas datas o Concello iniciará os procesos selectivos. As persoas que desexen optar a un dos postos de alumnos-traballadores deben estar empadroadas no termo municipal da Laracha, atoparse en idade laboral e estar inscritas na súa oficina de emprego de referencia como demandantes de emprego e, ademais, como interesadas en participar en programas formativos como este obradoiro.

Novas relacionadas

comentarios