Xoves. 28.03.2024
El tiempo

A Laracha xa abriu 200 expedientes a propietarios que non limparon as súas parcelas

Parcela particular en Lestón sen xestionar a biomasa
Imaxe dunha parcela particular en Lestón que segue sen xestionar a biomasa
A Laracha xa abriu 200 expedientes a propietarios que non limparon as súas parcelas

Camariñas, Santa Comba e Ponteceso son os únicos 3 concellos que por agora, e que teñamos constancia, que veñen de lembrar á súa veciñanza a obrigatoriedade de manter en bo estado as parcelas forestais acorde coa Lei de Prevención e Defensa contra Incendios.

Un “recordatorio” ao que tamén se une o Concello da Laracha, que xa leva no que vai de ano máis de 200 expedientes tramitados requirindo o mantemento en bo estado de conservación nas condicións óptimas de seguridade das parcelas, a raíz dos informes da Policía Local que sinalaban as zonas que non cumprían o establecido nas leis.

Todos os anos o Concello da Laracha desenvolve unha campaña informativa sobre estas cuestións, con especial incidencia na primavera e no verán por tratarse das épocas de maior crecemento da biomasa, aínda que tamén nos meses restantes se levan a cabo actuacións dirixidas a cumprir as condicións de seguridade, hixiene, salubridade e ornato público dos terreos privados.

O Concello agradece á veciñanza a súa implicación e sensibilización e lembra aos que aínda non realizaron as accións que comezará nos próximos días a impoñerlles multas coercitivas de entre 1.000 e 10.000 euros como medio de execución forzosa para que procedan a dar cumprimento das súas obrigas.

Novas relacionadas

Comentarios