Mércores. 24.07.2019
El tiempo

Novas e crúas críticas á afectación ambiental do proxecto eólico de Mouriños e a actuación ao respecto do alcalde cabanés

Novas e crúas críticas á afectación ambiental do proxecto eólico de Mouriños e a actuación ao respecto do alcalde cabanés
Mapa do proxecto eólico de Mouriños Coristanco, Carballo, Vimianzo, Zas, Laxe… pobos que se verán aínda máis sumerxidos no mar de viraventos que é a Costa da Morte e que están en pé de guerra, polo menos para ter algo de información veraz. Outro dos proxectos máos polémicos é o de Mouriños, na serra do Gontón, en Cabana de Bergantiños e Zas, que xa suscitou numerosas críticas durante o ano pasado por afectacións ambientais e por tramitación fraudulenta. Esta semana varios colectivos volven á carga contra este polémico proxecto de Fenosa Wind (agora Naturgy), criticando unha actuación do alcalde cabanés, Jose Muíño; así como falta de validez da normativa ambiental da Xunta.

Acción do alcalde de Cabana

Varias entidades cabanesas, Petón do Lobo e as súas colaboradoras, critican hoxe que o alcalde cabanés encargara dous informes técnicos, con cartos de todas as veciñas e veciños, para apoiar o proxecto eólico de Fenosa Wind. Uns informes encargados para intentar solventa os obstáculos de afección ao patrimonio cultural, arqueolóxico e paisaxístico. Unha vez salvados, gracias en parte pola “falta de obxectidade dos informes aportados polo concello cabanés”, parece que o proxecto prosperará no Alto da Fernandiña. Non entenden ademais a posición do alcalde, pois o proxecto terá só 3 eólicos (despois de dous anos de alegacións), e non os 4 inicialmente previstos, polo que o municipio cabanés non percibirá diñeiro algún en concepto de canon eólico.

"A Declaración de Impacto Ambiental é un puro escándalo! A Serra do Gontón queda ferida de morte"

Serra do Gontón Serra do Gontón En pleno mes de agosto a Xunta publica a Declaración de Impacto Ambiental (DIA). Pero non por iso calan os colectivos sociais da zona, como a Plataforma Salvemos Cabana que lamenta que “o documento publicado pola Dirección Xeral de Medio Ambiente e Cambio Climático non garante a integridade e pervivencia dos valores naturais da Serra do Gontón. Por iso considera que a normativa ambiental xa non protexe a nosa natureza, como o refrenda a posible afectación a aves e quirópteros ( o proxecto se alzará a escasa distancia dunha Important Bird Area (IBA) e nas inmediacións da Zona de Especial Protección para as Aves ( ZEPA) Costa da Morte Norte).

Mirador con banda sonora

Outro dos puntos que critica a Plataforma é a “vergoñenta utilización da Axencia de Turismo de Galicia, pois o plan inclúe unha limpeza de cara obrigando a empresa a realizar unha campaña de divulgación dos valores naturais da zona, en coordinación coa Xunta. Ademais, parece “de ciencia ficción”, o acondicionamento do miradoiro da Fernandiña, xusto embaixo dun dos viraventos, cando o lugar terá un nivel de potencia sonora de 110 decibeis, sendo 120 o límite humano onde comeza o risco de xordeira.

Críticas de En Marea

Ao Grupo de En Marea volve criticar o proxecto, sinalando que "o parque de Mouriños é o exemplo perfecto dun modelo pensado para beneficio das grandes eléctricas, alleo ao desenvolvemento económico local, mesmo contraproducente, que non pagará nin un euro de canon eólico, dentro dun país que acaba pagando a factura da luz máis cara do Estado. Pero este proxecto creará pouco emprego na zona, e básicamente na fase de construcción, casi nada ou nada na de explotación, 1 ou 2 traballadores como moito, e non deixará nin un euro nos concellos de Cabana de Bergantiños e Zas ao constar de 3 aeroxeneradores, o que fai que esté exento de pagar o canon eólico".   Critican tamén a chamada "Lei de Depravación de Galicia", gracias á cal "a declaración de utilidade pública outorgada sistemáticamente por riba doutros usos, como o agrario, forestal ou turístico, e a declaración de proxecto de especial interese, que acurta os prazos á metade, son dous instrumentos que favorecen ás grandes empresas que se adican á producción eólica, e impeden a defensa dos intereses da maioría. Este proxecto insiste no modelo eólico desenvolto nas últimas décadas en Galiza. Onde voan os beneficios producidos polo vento, non serve para dinamizar a economía do rural e onde prevalece o descoido ambiental e paisaxístico. As empresas aproveitan a normativa aprobada polos gobernos autonómico e estatal para facer un gran negocio que pouco ou nada deixa na economía local."

Novas relacionadas

https://quepasanacosta.gal/un-centenar-de-persoas-acoden-a-creacion-da-plataforma-contra-a-implantacion-dos-parques-eolicos-campelo-bustelo-monte-toural/ https://quepasanacosta.gal/denuncian-que-o-parque-eolico-de-laxe-apenas-tera-repercusion-economica-na-comarca-xerando-so-15-postos-de-traballo/ https://quepasanacosta.gal/contraminate-inicia-un-recurso-contencioso-administrativo-contra-o-parque-eolico-de-laxe/

Artigos relacionados

Novas eólicas

Máis novas

Fonte

Comentarios