Venres. 29.03.2024
El tiempo

O Concello de Cabana persónase xudicialmente a favor da mina por unha posible indemnización

O Concello de Cabana persónase xudicialmente a favor da mina por unha posible indemnización
Imaxe do Val da Campiña, unha das zonas que estarían afectadas pola mina de Corcoesto - Foto- Meli Souto Imaxe do Val da Campiña, unha das zonas que estarían afectadas pola mina de Corcoesto - Foto- Meli Souto Traía de novo a Plataforma en Defensa de Corcoesto e Bergantiños o asunto da finada mina de ouro de Corcoesto á palestra pública. E facíao acusando ao alcalde cabanés, José Muíño, de personarse xudicialmente na causa, nun contencioso en contra da decisión da Xunta de anular o proxecto mineiro, e de facelo con cartos do Concello. Efectivamente a asesoría xurídica (os avogados pagados polo Concello) aconsellou ao alcalde a personarse, para pelexar por se cae unha posible indemnización. “O proxecto está finiquitado e rematado, o proxecto xa morreu,”, asegura o alcalde. “Metémonos nisto por se cae algunha indemnización. Por exemplo, en Touriñán, a Xunta tivo que pagar un millón de euros á empresa por varios erros. Aquí, se a Xunta fixo todo ben, pero se a Xunta cometeu algún erro, que nos indemnicen”. En todo caso, asegura que os custes son os das taxas xudiciais, e non valora os gastos en avogados e procuradores. Aproveita Muíño para recordar que “o Concello de Cabana ten unha débeda 0, e é o primeiro en pagos de morosos na comarca”. Mentres Salvemos Cabana non entende “que perde o Concello”, o alcalde asegura que había un convenio coa empresa pola que, a pesar de ser un proxecto estratéxico polo que non terían que pagar impostos municipais, si que a empresa ía aboar parte do ICI (arredor de 2 millóns de euros) ao Concello. Lembra ademais que houbo 30 traballadores locais durante as exploracións e recoñece que “algo debeu facer mal a empresa” para que o proxecto non saíse adiante. O alcalde considera que a Xunta actuou en contra dos intereses de Cabana, e nese sentido Muíño argumenta o asunto dos postos de traballo. ”O meu criterio, a pesar das presións dende arriba e as ameazas dende abaixo, estivo moi claro. Estamos mandando á nosa xente a emigrar. Dixen que se viñeran outras empresas como Apple ou unha autobomibilística estaría encantado. Pero aquí chegou un proxecto mineiro, nun sector que cambiou moitíismo e que eu xa traballara de preto, e crin que era o mellor para a zona. Agora teremos que traballar por outro proxecto que equilibre traballo e medio ambiente, que evite o abandono do medio rural, porque é a pescadilla que se morde a cola.”  

Novas relacionadas

Fonte 
  • Redacción QPC ([email protected])
  • Plataforma pola defensa de Corcoesto e Bergantiños.

Comentarios