Ten que ter claro a Costa da Morte que o futuro está na especialización. Saber cales son os seus puntos fortes, melloralos e promocionalos coma un tesouro. Polo Anllóns téñeno claro, e da man da guerrilleira Agrupación de Mariscadoras do Esteiro do Río Anllóns, seguen loitando polo seu. E que é o seu? o Berberecho. A pasada semana remataba o curso de cociña de berberechos impulsado polo GAC. Toda unha aposta no que tamén participou a entidade Meigalicia, que propón que os hostaleiros da zona poidan sacarlle rendemento total a este produto da terra. Unha clara aposta pola diferenciación para sacarlle valor engadido aos nosos produtos.

Proxecto Berberecho

O chamado "Proxecto Berberecho" conseguíu relacionar a varias administracións. Deste xeito, ademais da clausura do curso a conselleira do Mar Rosa Quintana achegouse a inaugurar a depuradora de moluscos do Anllóns, e participou nunha charla sobre a situación da ría bergantiñá Ademais do novedoso curso impartido polo cociñeiro Miguel García Silvarredonda, as mariscadores inclúen no proxecto a propia degustación do molusco e un obradoiro artesanal de cestería para a realización de embalaxes tradicionais para este produto. A propia Rosa Quintana puxo o proxecto como exemplo de I+D+i. Sinalou ademais que o GAC traballará para "incrementar o valor engadido do berberecho impulsando a súa comercialización".