Os pequenos actores e actrices da Escola Municipal de Teatro de Cabana de Bergantiños Ainhara Rodríguez Vigueret, Laura Souto Mouzo, Rocío Rodríguez Rivera, Manuel Romero Suárez, Eloy Mato Rial, Uxía Pérez García, Iria Rivera Dourado, Fabiola Suárez Cotelo, Laura García Eiroa, Rubén Reigía Martínez, Cristina Álvarez Mourín e Tania Amado Pose foron os gañadores da presente edición do Certame de Teatro Lido Xosé Manuel Eirís que se celebrou estas semanas con motivo da organización do Outono de Teatro de Carballo 2010. Desta maneira, o elenco de artistas comandados por Silvia Losada Crende levaron ó ámbito comarcal unha obra que estrearon o pado mes de xuño, con motivo da clausura do ano teatral 2010 en Cabana de Bergantiños. Despois, no mes de xullo realizaron unha xira por case todas as parroquias cabanesas con gran éxito de público.

Restaurante Farruco

A obra Restaurante Farruco é un texto de Chus Pereiro que está editado por Edicións Xerais de Galicia. Nela, sóbese ás táboas a problemática que sofren á hora de xantar tres comensais (unha parella de namorados e o rei) por parte do camareiro Farruco, a cociñeira Siñá Manuela e o seu axudante e duns cantos animais (unha galiña, unha vaca, unha mosca e un porco) que para nada teñen ganas de formar parte do prato dos citados comensais. Á parte do enredo teatral, o trazo máis importante desta obra é o uso dunha linguaxe rimada que lle achega á mesma un enfoque humorístico e un ritmo magnífico.

Novas relacionadas

• Os pequenos actores cabaneses do Resturante Farruco rematan a súa xira.
• Os alumnos de teatro de Cabana levan o seu "Restaurante Farruco" de Nantón a Corcoesto.
• O humorista José Touriñán fíxolle un cásting aos alumnos da Escola de Verán do Couto.<7li>
• Segundos Meniños que difrutan do programa estival en Cabana.

Fonte

• Nota de prensa do Departamento de Cultura do Concello de Cabana, da man de Xosé Manuel Varela Varela.