Domingo. 16.06.2024
El tiempo

Rescatan dúas mozas que quedaron nunha zona rochosa da praia de Rebordelo

  • O BNG critica que non haia socorristas nas praias
Rescate na praia de Rebordelo
Imaxes do rescate
Rescatan dúas mozas que quedaron nunha zona rochosa da praia de Rebordelo

Esta tarde de luns, arrredor das 14:45h, dúas mozas tiveron que ser rescatadas tras quedar illadas nunha zona rochosa na praia de Rebordelo, en Cabana. As dúas mozas introducíronse no mar cunha táboa e levounas a corrente. Para refuxiarse, subíronse a unha zona rochosa, onde quedaron illadas pola subida da marea.

Sorte que uns axentes da Garda Civil estaban preto da zona, e xunto cos efectivos do GES de Ponteceso e un particular, souberon como baixar ata a zona rochosa para rescatalas e sacalas fóra auga, coa colaboración de Protección Civil e a lancha da Cruz Vermella de Laxe..

O BNG critica a falta de socorristas

Aproveita este suceso o BNG cabanés para denunciar que “a inacción do goberno municipal ao respeto de non dotar de socorristas, pon en perigo a vida dos bañistas”. O gupo da oposición considera que “ casualidade fixo que este accidente non rematase en traxedia. Coincidiu que na patrulla da Garda Civil estaba un axente coñecedor da zona e dos accesos á beiramar polos carreiros dos pescadores a pesares de estar cheos de maleza; que a hora en que se produciu o accidente a praia estaba pouco concorrida, polo que o vehículo do GES puido acceder con celeridade. Isto permitiu que puidesen entrar na auga, sacar as accidentadas e subilas monte arriba, non sen dificultade, pois o estado do mar non permitía a intervención da lancha da Cruz Vermella. De non darse todas estas circunstancias o resultado final podería ser moi distinto”.

Lembran que o o BNG presentou mocións para que se dotase do servizo de socorristas ás praias e que se regulasen os accesos e aparcamento nas mesmas de tal xeito que permitise un rápido acceso aos servizos de emerxencia. “Ate o de agora o Goberno municipal dou a calada por resposta”.

Critican ademais que o Concello aproveite a natureza con “autobombo e propaganda, con afirmacións de que “Cabana é a referencia””.

Comentarios