Rito tan sinxelo como ancestral o que bota a xente de San Fins do Castro cada 1 de agosto. A fermosa romaría na carballeira cabanesa volveu ser unha desas festas familiares para disfrutar da escencia da comarca de Bergantiños.

Co himno da man da Banda de Música Eduardo Pondal de Corme e o #BerroSeco arrinca o #SanFinsdoCastro!!! Festaaaa!! pic.twitter.com/yIbCwvTCik

— Quepasanacosta (@quepasanacosta) August 1, 2023

Cobtra o mediodía O presidente da Comisión, Manuel Gil, aos seus 97 anos deixou claro á rapazada que debían esquecer a batalla de viño e o chunda-chunda que desvirtuara a romaría na pasada década (algún moz@ si que amosaba fachendoso a camiseta branca manchada de viño, pero a molestia para as familias foi mínima), e que no San Fins só se escoita verbeneo e gaitas (como as do Son do Castro). Tras lembrar a “memoria” de Saturnino Cuíña, deu paso para que fose o párroco Liller Alexander Carrillo o que arengase o “berro seco”, que representa o berro ao unísono que facían os canteiros para levantar unha pedra grande que ían traballar.

Antes os feligreses xa deixaran os seus panos na fonte, e de contado o Santo da Pólvora facía virar a singular falla ciclista que estouraba con potencia, segundos antes de que comezasen a soar os primeiros acordes daa orquestra Los Españoles, coa que comezaba a troula nesta Festas de Interese Turístico Galego.

Uns bailes e a comer en familia, a parte máis fermosa do verán.

Máis festa

O mércores hai máis festa.

Máis novas

• Sanfins 22: As romarías de San Fins do Castro volveron lanzar o ‘Berro Seco’.
• 2009: SanFins, o estoupido do viño.