Unha delegación da Xunta visitou Cabana
09:45 29/07/11
Na xornada de onte, xoves 28 de xullo de 2011, a delegada territorial da Xunta na provincia da Coruña, María Belén Docampo, e o director xeral de Xuventude e Voluntariado, Ovidio Rodeiro, realizaron unha visita oficial ás obras desenvolvidas durante estes días polo grupo de voluntariado que participa no Campo de Traballo Rego dos Muíños. Docampo e Rodeiro estiveron acompañados do alcalde de Cabana, José Muíño, e os directores da Escola Taller e do Campo de Traballo, que son respectivamente Javier Bello e Carlos Conde.
Os representantes cabaneses agardaron a visita na Casa do Concello. Chegados alí Docampo e Rodeiro, asinaron no libro de honra municipal. Despois, a comitiva desprazouse ata o Rego dos Muíños, onde viron de primeira man as obras de recuperación de tres muíños de regato.
Con posterioridade, Ovidio Rodeiro, xunto coas autoridades locais desprazáronse ó albergue do Pendón para visitar o estado das obras de rehabilitación dos tres modulos do edificio. Neste albergue hospédanse os monitores e voluntarios do campo de traballo.
Novas relacionadas
- O Obradoiro de Emprego de Cabana restaurou o Albergue Xuvenil.
- Continúan as actividades para todos os públicos en Cabana.
- Maiores e pequenos desfrutan das actividades artelladas polo Concello de Cabana.
- Recunchos da Costa: Praia Area das Vacas.
- Nota de prensa do Concello de Cabana, da man de Xosé Manuel Varela.