Integrantes do curso sociosanitario que imparte Colaxe para o programa PER FLUVIUS

A piques de rematar o Programa Integrado de Emprego VIR FLUVIUS 2016, impulsado polos concellos de Vimianzo e Camariñas e subvencionado pola Xunta de Galicia e o Ministerio de Emprego e Seguridade Social. Así as accións formativas de máis longa duración están chegaron ao seu fin. A máis destacada o curso de atención sociosanitaria en domicilios, impartido pola empresa Colaxe, que se levou a cabo entre os meses de abril e xullo e que tivo unha extensión total de 300 horas entre a súa parte teórica e a súa parte práctica. Para esta última, de 100 horas de duración, colaboraron os concellos de Zas, Camariñas e Vimianzo e os seus respectivos servizos de axuda no fogar, acollendo a alumnas/os do curso para que puideran ter unha visión práctica da atención a persoas dependentes en domicilios, obtendo uns resultados moi satisfactorios.

Así, o vindeiro xoves día 3 de agosto, ás 12:00 horas e no salón de plenos do concello de Vimianzo, farase un acto de entrega dos diplomas correspondentes a dito curso formativo.

Outras accións

Estanse realizando nestes momentos outras accións enmarcadas dentro do programa de emprego, que seguirán ata o remate do programa, o 31 de agosto. O obxectivo é a mellora da empregabilidade dos 60 participantes do PIE VIR FLUVIUS 2016, co fin de integrar no mundo laboral ao maior número posible destas persoas. Polo de agora, 21 delas traballaron nalgún momento ao longo do programa.

Novas relacionadas

• Abril 2017: Vimianzo e Camariñas acollen distintos cursos dentro do programa integrado para o emprego.

Fonte

• Concello de Vimianzo.