Venres. 29.03.2024
El tiempo

A Costa da Morte non esquece o Serpent

A Costa da Morte non esquece o Serpent
Homenaxe ao Serpent 2014-Foto-Rafael Lema

Non puido estar o embaixador británico, pero mandou unha carta de agradecimento e felicitación aos armadanzas desta simbólica homenaxe. Dende o 2008, un grupo de amantes da nosa historia, da historia dos naufraxios da Costa da Morte, comandados por Rafael Lema, José Manuel Pato, Juan Campos e a Real Liga Naval Española, realizan unha verdadeira e sentida homenaxe aos mortos no Serpent, aquel vapor inglés que perecía nas rochas da Punta do Boi aló por 1890. Unha homenaxe ademais que se extende a todos aqueles mariñeiros que nos deixaron na mar.

O pasado 10 de novembro de 2014, non quedou no esquecemento, e unha gran comitiva comandanda pola RLNE, acompañadas por membros do Concello e acompañados polo coro municipal de mulleres de Camariñas, achegáronse ás 22:30h, ao mesmo Cemiterio dos Ingleses, onde repousan as almas dos 172 falecidos aquela tráxica noite.

Unha ofrenda de flores, unha canción cantada polo coro, e moitas historias para recrear as sensacións que os veciños de Camariñas tiveron aquela noite do século XIX cando correron a intentar rescatar (só puideron salvar a 3 tripulantes) aquel gran vapor encallado nas rochas costeiras.

E abofé que todas esas sensacións invadiron ás almas dos presentes. Co mar batendo de fondo, o vento bufando, a música soando, e a emoción por todos os poros.

Pensando xa están os organizadores na cita do ano que vén, cando se cumprirán 125 anos, polo que terá que ser algo especial.

Novas relacionadas

Fonte

Comentarios