Analizando o perfil do visitante medio da Costa da Morte

Camariñas Costa da Morte

11:14 23/01/17

Varios turistas disfrutando no Cabo Vilán Nestes días de "Fitures" resulta moi interesante parar analizar estas cifras que nos traen dende Camariñas. O número de visitantes do Faro Vilán en 2016 demostra que algo están a facer ben por alí, servindo de perfecta referencia para un verdadeiro aproveitamento do tirón do Faro Fisterra, un dos puntos máis visitados de Galicia pero no que non existe control ningún. E para exemplo de como traballa a Asociación Empresarios e Promoción Turística de Camariñas, traemos este completo informe de incidencia turística.

Crecemento de viistantes

A gráfica fala por si mesma, anotando que en 5 anos case 250.000 persoas pasaron polo Faro.

Caracterización

Entre os detalles que definen ao visitante medio, sinalando que o 50% ten entre 35 e 65 anos (por un 32% de entre 18 e 35 e un 16% maiores de 65). A análise da procedencia parece moi interesante. O 27% son procedentes de Galicia, case tantos como os que veñen de Madrid (cun 23%). Do estranxeiro atopamos só un 9% de visitantes, moi repartidos entre europeos e americanos. Outros datos interesantes analiza como chegan ata a zona os visitantes O 40% faino en parella (un 29% con amigos) e o 82% faino en coche (un 5% en autocaravana e só un 11% en autobús). ”De 2 a 4 días” é a estancia media máis habitual entre os turistas (un 43%), habendo un 11% que nin pernocta, ou un 17% que só durmirá un día. Pola outra banda, hai un 27% que pasará máis de 5 días. Os que pasan a noite na zona escollen maioritariamente o Hotel (28%), por diante das pensións (14%), as casas de turismo rural (13%) ou os pisos alugados (11%). Só un 7% durme en caming. O “ocio” é o motivo máis habitual da viaxe (un 37%), pero a Natureza (22%) e a Cultura (22%) son outras razóns “impepinables”. A Gastronomía segue medrando (11%).

Como chegou á Costa

Por “recomendacións” é a resposta máis habitual (45%) entre os visitantes sobre como coñeceu a nosa bisbarra, pero cómpre sinalar que os medios de comunicación (17%) e a internet (16%) son plataformas indispensables. De feito, o 50% dos visitantes recoñece compartir as súas experienfcias nas redes sociais, sendo Facebook a máis utilizada por diante de Instagram e Twitter. Os códigos Qr parecen esquecidos, e só o 16% os utilizan, unha cifra semellante ás Apps turísticas.

Que é o que máis gusta

Representativa a última pregunta da enquisa, que dá conta do noso mellor produto. Se ben só o 22% vén buscando natureza, o 40% dos visitantes marchan destacando “a Paisaxe e a natureza” como o que máis lle gustou da nosa bisbarra, algo que nos ten que facer decatarnos do noso potencial.