Un ano máis, estudantes de 4º da ESO do IES Pedra da Aguia de Camariñas realizaron unha visita educativa ás instalacións de SOGAMA e á
Casa Grande de Xanceda.

Dúas visitas moi produtivas para o alumnado. En SOGAMA coñeceron de primeira man como é o proceso de reciclaxe e tiveron que clasificar diferentes tipos de residuos, ademais de visualizar as diferentes plantas tanto física como virtualmente.

Iso so, dende SOGAMA quixeron deixar claro que, contrariamente ao que se pensa, non se trata dunha empresa de reciclaxe senón de tratamento de determinado tipo de residuos, en concreto, os que van aos contedores amarelos (envases),  arróns (orgánico) e verdes ou grises (material non orgánico que non sexa vidro, cartón, aceite, baterías). Despois venden o produto a empresas de reciclaxe.

Con todo, o alumnado gozou máis durante a visita á Casa Grande de Xanceda, unha granxa escola ecolóxica con moitas peculiaridades e que fixo as delicias do alumnado. Nela, tiveron oportunidade de dar para comer a coellos, cabras, porcos e tenreiros, gozar dunhas instalacións no medio da natureza e degustar os produtos que elaboran como as marmeladas, iogures e outras  exquisiteces.
Un día sen dúbida especial, e que serviu para que se concienciasen da importancia de separar os residuos e de consumir produtos de proximidade
elaborados de forma ecolóxica.