Estaba o debate da liberación do Cabo Vián aberto, pero parece que se pechou a base de repotenciación. Non sae mal parada esta zona en Rede Natura, pois a contorna do Cabo Vilán pasará de ter 22 dos vellos viraventos (23 anos en marcha) a só 2 dos máis modernos e potentes.

Outra zona que tamén se verá afectada por esta repotenciación será o parque de Pemalsa en Malpica, que trocará os seus 69 muíños por só 7.

Se ADEGA xa falara da liberación do Cabo Vilán, a día de hoxe é a Sociedade Galega de Historia Natural a que saltou a alarma polos posibles “erros, contradiccións, vaguidades, opacidades e eufemismos para escurrir o bulto” do Estudo de Impacto Ambiental.

”Resulta francamente moi difícil de entender como para instalar 2 novos aeroxeneradores non se poida aproveitar ningún dos emprazamentos dos 22 aeroxeneradores aos que substituirán e se pretenda destruir máis superficie dun hábitat prioritario”, denuncia a SGHN.

Por cousas como estas, cousas como a afección á fauna protexida, a SGHN pide “que se desbote totalmente o proxecto e o Estudo de Impacto Ambiental na súa redacción actual”.

Máis información

• SGHN: Proxecto de repotenciación Parque Eólico de Cabo Vilano. EIA = Estudio de Inutilidade Ambiental.

Novas relacionadas

• 2012: A repotenciación do parque eólico do Vilán abre o debate sobre a súa liberación.
• Rotunda oposición ao parque eólico Outes-Mazaricos.
• 23 eólicos ocuparán a fachada marítima de Touriñán.

Fonte

• El País.