Rematou a segunda edición da Mostra Virtual do Encaixe, a vea máis comercial desta artesanía centenaria. E fíxoo cun alcance, a través das redes sociais, de máis de 133.000 persoas, o que supón unha cifra máis que interesante para amosar os produtos dos comercios locais camariñáns, o principal obxectivo desta cita dixital. De feito, as ofertas especiais dos 12 postos participantes foron vistas por 61.018 persoas.

O pasado domingo foi a clausura e a concelleira da Mostra, Encarna Liñeiro, pechou a sesión esperando “que en outubro, con tódalas garantías sanitarias, se poida celebrar a tan desexada 30ª edición da Mostra do Encaixe” e a directora do evento, Dolores Lema, agradeceu “inmensamente a todas as persoas que non se ven pero que fixeron posible que se levase a cabo este evento”.

Foron un total de 56 publicacións, tendo un impacto moito maior a través do Facebook, perocon incidencia tamén no Youtube ou na propia web mostra.es.

Novas relacionadas

• Mostra do Encaixe Virtual: A vea comercial que mantén viva una artesanía centenaria.
• 5 millóns de cupóns da ONCE feitos con Encaixe.
• Febreiro 2021: A Mostra do Encaixe terá unha nova edición virtual, centrada na comercialización, durante Semana Santa.
• Xaneiro 2021: A XXX Mostra do Encaixe de Camariñas será en outubro.
• Abril 2020: A primeira Mostra do Encaixe Virtual chegou a máis de 230.000 de todo o mundo
• Mostra 2019: O relevo xeracional, protagonista nunha Mostra de Encaixe de tradición e vangarda.