Dende o pasado sábado, as cinzas de Man descansan na súa Casa-Museo Nun acto cargado de emoción e no que estiveron presentes familiares e veciños de Manfred Gnändinger (1936 - 2002) ademais de diversas autoridades, o pasado sábado trasladáronse as cinzas do artista á súa Casa-Museo cumpríndose así un dos seus desexos. O Concello de Camariñas rendeulle unha homenaxe ao artista con motivo do aniversario do seu nacemento O acto foi "moi emotivo", sinala Juan Carlos Canosa - responsable do Museo Man de Camelle -. Alí tamén estaban persoas como "Chita", veciña e amiga de Man. Segundo ela dixo, foi un adiantado ao seu tempo e “a súa vida e filosofía debería de chegar moito máis alá deste pobo, Galicia e España”. Na homenaxe tamén estaban outras persoas relacionadas co artista tales como Mercedes Martín - impulsora da conservación do seu legado - e Simón Vázquez - director do documental "Man home sen paz". Tamén presenciaron esta particular homenaxe o sobriño de Man - Clemens Gnädinguer -e o seu irmán que, visiblemente emocionado, deu as grazas polas mostras de agarimo recibidas. Tampouco faltou a parte musical da homenae, que correo a cargo do coro municipal de Mulleres de Camariñas. Familiares, amigos e autoridades asistiron ao acto que tivo lugar o pasado sábado en Camelle   Durante o acto de homenaxe a Man actuou o coro municipal de Mulleres de Camariñas Ao finalizar a homenaxe, o irmán de Man trasladou as cinzas do artista a súa casa-museo, acompañado dunha comitiva de máis de duascentas persoas, onde a familia de maneira íntima, se despediu de Man depositando as súas cinzas no interior da casa. O sobriño e o irmá de Man, visiblemente emocionados, estiveron na homenaxe do artista Esta particular homenaxe coincidía xusto cando se cumpriron 82 anos do seu nacemento, un 27 de xaneiro de 1936.  

Novas relacionadas

• Xaneiro 18: As cinzas de Man descansarán na súa rehabilitada Casa-Museo
• Xaneiro 18: Man volve ter casa en Camelle.
• Novembro 17: “Vai cambiar moito a imaxe da Casa de Man”
• Novembro 17:#15anosdoPrestige: “É mellor pensar foi unha película que se rodou aquí”.
• Abril 17: A USC e o concello de Camariñas únense para estudar o legado documental de Man.
• Novembro 16: Aprobado, por fin, o proxecto de rehabilitación da Casa do Alemán de Camelle.
• Xaneiro 2016: Camariñas poderá rehabilitar a Casa de Man de Camelle.
• Xuño 2015: Un Museo para as libretas de Man.
• Abril 2015: Man de Camelle ten a súa estatua.
• Maio 2015: Obradoiros MAN: O crebeiro artista.
• Maio 2015: Obradoiros Mar, Arte e Natureza para recuperar a base de creatividade o legado de Man.
• Abrio 2015: Man de Camelle ten a súa estatua.
• Decembro 2014: Man de Camelle xa ten o seu proxecto de rehabilitación.
• Decembro 2011: Os voluntarios da Fundación Man de Camelle protestan ante a impasibilidade das administracións cunha velada.
• Setembro 2011: Fotodenuncia: O Museo de Man, en coma.
• Lorena en Verde: Man de Camelle.

Fonte

• Redacción de QPC (info@quepasanacosta.com).
• Europa Press