Marea de veleiriños arriba nos areais de Reira
09:50 23/09/25
Unha marea de veleiriños (Velella velella) volveron arribar no noso litoral. Como xa fixeron tamén o ano pasado e outras veces en anos anteriores, onte Guilhe Alves atopou esta marea delas na praia de Reira, en Camariñas.
"Ao igual que as carabelas portuguesas non son medusas en sentido extricto. Teñen tentáculos debaixo da vela, pero neste caso non son perigosos para os humanos, pero mellor que non se toquen os tentáculos azuis, por se acaso”, explican dende o CEMMA.
“O máis habitual é que aparezan a finais de agosto e a partir de setembro, cando o afloramento deixa de ser predominante e aumenta o vento do sur, suroeste”, explica.
