O mar costeiro acentúa a súa loita contra o arrastre
13:39 31/08/15
Manifestación por mar en Camariñas pola pesca artesanal
Algo falla en Galicia cando vemos os dous sectores primarios, de enorme trascendencia económica-social, en plena guerra pola superviviencia. Os gandeiros seguen cas súas mobilizacións, mentres o sector da pesca artesanal non parou dende que comezou o 2015, e cada mes realizan unha concentración en protesta pola crítica situación da pesca de baixura.
Este último sábado de agosto, había unha manifestación convocada desde o seo de Corcubión. E trala expectación causada coa manifestación por mar do pasado 25 de xullo que uniun os portos de Fisterra e Corcubión, os mariñeiros volveron optar por esta vía, por unha manifestación marítima pero desta vez na Ría de Camariñas e a petición e colaboración do Concello de Camariñas.
Unha ducia de barcos da localidade paseáronse polo porto con diversas pancartas e a golpe de bocinas para demostrar o seu descontento coa situación actual que está atravesando o sector.
Contra os arrastreiros
Unha vez finalizada a mesma, José Domínguez Buiturón, Patrón Maior da Cofradía de Corcubión, procedeu á explicación da situación que atravesou o sector desde fai un par de décadas, que os leva a día de hoxe a esixir a separación do arrastre 12 millas da costa. Recalcou que a lexislación de hai uns 20 anos era máis respetuosa co mar e co sector, dereitos polos que xa loitaran os nosos antecesores. Apuntou ademais que antes existían uns límites de profundidade e de distancia respecto da costa que os arrastreiros non podían exceder e non había problemas de escaseza no mar. Con todo, sinalan que a lexislación ten que ir cambiando e a día de hoxe estes límites son apenas inexistentes, arrastrando todo o que atopan ao seu paso polas nosas costas e en consecuencia os nosos recursos e medio de vida.Unha demostración práctica
Así mesmo, para que todos os presentes entendesen a nosa reivindicación, José mostrou unha merluza pescada cunha arte selectivo, artesanal, como é o palangrillo, que pesca cada peza de peixe una a unha. E a malla dun arrastreiro, pola cal entran cativas de merluza que apenas superan os 5 cm. E que cando son devoltas ao mar, soamente serven de pasto para as gaviotas posto que xa están mortas, esmagadas pola rede. E así, co resto de especies e peixes das nosas costas. Con isto, pretenderon demostrar á xente cotiá, a políticos e demais cidadáns que é o que está pasando no mar, que o que contan non é unha lenda, é real.Novas relacionadas
- Máis de 5.000 tractores invadirán Santiago durante tres días.
- 27-07-15: Unha manifestación por mar contra a pesca do arrastre.
- 29-06-15: A marea de mariñeiros volve alzala voz en Fisterra contra o arrastre.
- 01-06-15: Camariñas acolleu unha nova manifestación pola pesca artesanal.
- Lonxanet leva o exemplo da pesca artesanal costeira á ONU.
- A Reserva dos Miñarzos, aínda un exemplo mundial de pesca sustentable.
- A solta de alevíns na Reserva Mariña, mera acción formativa.
- 01-12-14: Apoio multicolor á pesca de baixura.
- 28-11-14: O BNG pide compromiso aos Concellos coa loita da pesca artesanal.
- 24-11-14: A baixura costeira segue mollándose.
- 19-11-14: A defensa da pesca de baixura tamén chegará aos plenos municipais.
- 17-11-14: A baixura galega pelexa polo seu futuro en Corcubión.
- 13-11-14: A pesca artesanal pide sardiña.
- 10-11-14: A pesca artesanal álzase contra o arrastre con concentracións en Corcubión.
- Asoar traslada aos eurodiputados as demandas do xeito.
- 30-09-14: O peche da sardiña pon contra as cordas ao sector do xeito.
- Alarmante situación a da pesquería do polbo.
- A pesca artesanal responde á Xunta que quere seguir sendo artesanal.
- A Costa da Morte presente na nova Plataforma de Pesca Europea Artesanal LIFE.
- A loita polas cotas da pesca artesanal chega ás rúas de Bruxelas.
- Un berro pola pesca artesanal.
Fonte
- Redacción de QPC ([email protected]).