O PP anunciará estas vindeiras semanas os candidatos da comarca ás Municipais de maio 2019
Reunión do PP comarcal en Cee
Hai algún nome cantado, pero aínda nada oficial. De feito, será nas vindeiras semanas cando a dirección provincial do PP anuncie os seus candidatos para os comicios locais de Camariñas, Carnota, Cee, Corcubión, Dumbría, Fisterra, Muxía, Vimianzo e Zas.
Esta fin de semana achegábase Diego Calvo á comarca, nunha xuntanza na que destacou “a aposta importante en Cee” para recuperar o control dun goberno “incapaz de gestionar”. Algo semellante dixo de Fisterra.
Tamén fixo fincapé na “alarmante situación” na que se atopan municipios como o de Camariñas, no que trala dimisión de Manuel Valeriano Alonso de León, Pichurri, inhabilitado por prevaricación administrativa, “agora os veciños teñen que padecer a unha alcaldesa que non foi elixida por eles e que, ademais, tamén está investigada por un caso similiar ao que foi condenado o anterior regidor regidor”.
