Martes. 07.12.2021
El tiempo

O pobo de Camelle volcouse co emocionante programa cultural arredor do Naufraxio do City of Agra

Foto de familia do pobo camellan co programa City of Agra
Foto de familia do pobo camellán involucrado co programa City of Agra. Foto: Moni López @desdelacoru
O pobo de Camelle volcouse co emocionante programa cultural arredor do Naufraxio do City of Agra

Espectacular a fin de semana a que viviu Camelle arredor do meirande evento cultural dedicado a un naufraxio en Galicia. A Asociación Naufraxios Galegos mobilizou 50 persoas durante mes e medio de preparación para trasladar a vila mariñeira 124 anos atrás, para lembrar o naufraxio do City of Agra, e todo o que fixo o pobo camellán para salvar a vida dos seus tripulantes.

Xa visitamos a inauguración da Feira Mariñeira do venres, pero a fin de semana foi completísima. As xentes que ateigaron a vila acabaron disfrutando dunha experiencia brutal, tanto polo programa como pola paixón que lle puxeron ese medio centenar de veciñ@s que fixeron de todo: costureiras, actrices, [email protected] de escenarios, coidadores de [email protected]… Un pobo volcado cun evento cultural.

Palillada Teatralizada do City of Agra 2

A palillada teatralizada da noite do venres merece mención especial. O fermoso auditorio ao aire libre nunha noite espectacular, acolleu a obra feita pola brava Andrea Rodríguez Romar e dirixida por Rosario Devesa Martinez e cunhas actrices e actores fóra de serie: Adela Suarez Soto, Pilar Marcote , Alis, Ainhoa, Socorro Pose , Marga do Trenco, Lucas, Aleix, e a actuación estelar de Lolo.

Palillada teatralizada do City of Agra

O sábado abría pronto a carpa da Feira Mariñeira (funcionaron moi ben as visitas guiadas pola exposición de maquetas), e a actividade comezou co roteiro animado dos náufragos. 3 horas de roteiro con case 70 persoas a pesar da ameaza do tempo, con 5 espectaculares paradas teatralizadas, recreando un hindú sobrevivinte, ata o poeta Antón Zapata recitando o poema do náufrago, feito por un náufrago aparecido na costa de Laxe cando seu pai era carabineiro.

Pola noitiña despois do improvisado e sentido desmalle da sardiña, e do emocionante acto de arribada dos náufragos do City remolcados polas lanchas de Camelle, houbo unha foliada cos grupos e gaita e canto dos Concellos de Camariñas e Vimianzo: Ac Trubisquiña Vimianzo, A Todo en Banda, Vaiche Boa, Revoltixo, As do Cansorriño, Mar Devalado e Jolpe de Mar. Unha foliada na que moitas veciñ@s se animaron a bailar.

Recreacion do City os Agr
O acto de arribada dos náufragos do City remolcados polas lanchas de Camelle

Despedida do City of Agra
Acto de despedida dos náufragos do City


O domingo continuaba a película global, e desta volta as citas teatralizadas tiñan que ver coa despedida dos náufragos da veciñanza de Camelle. Pero antes no Palco da Música de Camelle se simbolizou a entrega de medallas de prata da Reina Victoria a través do Viceconsulado Británico na Coruña, que veu á zona para entregar 3 medallas ás 3 embarcacións salvadoras do City.

Cómpre ademais felicitar á Burguer A Molinera que foi a gañadora do Certame de Tapas con especias do City, para pechar un evento con vocación de permanencia, unha vez que parece claro que o pobo está absolutamente volcado.

Marcos da Molinera recollendo o Premio do City Of Agra da man de Fernando Patricio Cortizo e Xurxo Rod Bana

Novas relacionadas

comentarios