Seguimos denbullando polo miúdo a programación da XXXIV Mostra do Encaixe de Camariñas Deputación da Coruña. E a rama artesá non podía ficar en segundo plano.

O pavillón Víctor Vigo, desde o 16 ao 20 de abril, encherase artesáns e artesás chegadas de diferentes puntos de Galicia e España, así como de Bulgaria (Sofía), Hungría (Kiskunhalas), Italia (Novedrate e Trapani), Polonia (Bobowa) e Portugal (Peniche e Serra D’el Rei).

Ademais, no eido solidario, estará presente outro ano máis a asociación STOF FA, unha entidade que aglutina a persoas afectadas pola Ataxia de Friedreich a nivel nacional, para contribuír a continuar coa investigación que se está a levar a cabo para avanzar no tratamento da enfermidade. Unha iniciativa que nace a partir da petición de María Jesús González Souto.

Haberá espazo novamente para a Asociación Española contra o Cancro e contarán con Punto Violeta. Tanto a Deputación da Coruña como oConcello de Camariñas contarán con stands propios, ademais de Encaixe Azul e APTCM.

No caso das demostracións artesanais en vivo, serán cinco (5) as que se poderán contemplar: Artesanía Corman, demostracións co torno de vidro; Artesanía Nía, con obradoiros de Miyuki; Olería de Buño, con demostracións co torno e obradoiros de barro; Suso Calo – Lobo Tolo, con demostración de pirogravados e Tejas Pintadas, que demostrará como é a montaxe de
bixutería en pedra natural.

Stands das palilleiras

Neste apartado teremos ata dezasete (17) propostas, entre as que destacan Ana Trasariz, a Asociación de Palilleiras Nosa Señora da Barca de Muxía, a Asociación de Mulleres Rurais de Moraime, Arte en Palla, “As Nemanquiñas” de Vimianzo, a Asociación Profesional de Palilleiras de Rendas, a Asociación Puntillas de Camariñas, El Rincón de los Sueños, Encaixa-T, Encaixes Arjomil, Encaixes Belén, Encajes Gelina de Camariñas, Encaixes Maruja de Camariñas, Fiando Miúdo, Galencaixe, Nadia en Vela e O Cornechiño de Lita.

Stands de artesanía

Son ata dez (10) os postos de artesáns e artesás que estarán presentes no pavillón Víctor Vigo: Antolín Piel, Artesanía Corman, Artesanía Nia, Fils i Agulles Carme Espriu, Malas Hierbas Artesanía, Miña Terra, Suso Calo – Lobo Tolo, Tejas Pintadas, Olería de Buño e Xacarandá.

Máis novas