Vimianzo engrandece o sendeirismo e Camariñas e Corcubión collen o relevo
![](/asset/thumbnail,992,558,center,center/media/quepasanacosta/images/2012/05/15/Sendeirismo-polo-rio-Grande-Pelouro-Foto-Victor-Santos.jpg)
![Sendeirismo polo rio Grande - Pelouro - Foto- Victor Santos](/media/quepasanacosta/images/2012/05/15/Sendeirismo-polo-rio-Grande-Pelouro-Foto-Victor-Santos.jpg)
Tremenda a ruta de sendeirismo da que disfrutaron medio centenar de persoas pola ribeira do río Grande. Era a primeira das 4 rutas artelladas polo Concello de Vimianzo en colaboración cos de Camariñas e Ponteceso e que tivo que se posposta do pasado día 6 por mor do mal tempo.
Pero mereceu a pena. A xente quedou encantada coa camiñada, que partíu de Cereixo, seguindo a senda do río, gozando e coñecendo un pouco máis o entorno vimiancés.
Durante o seu transcurso puideron disfrutar de moita natureza, pero tamén do máis agochado patrimonio etongráfico.
![Sendeirismo polo rio Grande - Cruceiro - Foto- Victor Santos](/media/quepasanacosta/images/2012/05/15/Sendeirismo-polo-rio-Grande-Cruceiro-Foto-Victor-Santos.jpg)
Foron protagonistas pois os numerosos muíños de auga, presas como a da Furaqueira – Calo, pontes romanas, escudos e pazos antigos, pois unha das visitas máis agardadas foi a das Torres de Cereixo, un Ben de Interese Cultural que permanece eternamente pechado contradicindo a lei, agás para esta clase de visitas institucionais. Foi Pablo Sanmartín quen comentou para os participantes que así puideron desentrañar unha parte da cultura deste concello.
![Sendeirismo polo rio Grande - Pablo Sanmartin - Foto- Victor Santos](/media/quepasanacosta/images/2012/05/15/Sendeirismo-polo-rio-Grande-Pablo-Sanmartin-Foto-Victor-Santos.jpg)
Sanmartín, que revelou moitas outras anécdotas, descubiu que a parroquia de Carantoña é unhas das máis ricas en canto a xacementos megalíticos pois conta con numerosas pedras mámoas e dolmes. Nesta parroquia tamén se atopou unha cista, unha especie de caixa de pedra na que se atoparon as ferramentas dun escultor prehistórico, concretamente da época dos petróglifos. Este é un descubrimento único en Europa.
Tamén foi moi interesante o comentario sobre a figura dun veciño de Carantoña, José Méndez Lema, cabo de artilleiro na División Azul, heroe da batalla de Krasny Bor.
![Sendeirismo polo rio Grande - Ivana - Foto- Victor Santos](/media/quepasanacosta/images/2012/05/15/Sendeirismo-polo-rio-Grande-Ivana-Foto-Victor-Santos.jpg)
![Sendeirismo polo rio Grande - Expedicion - Foto- Victor Santos](/media/quepasanacosta/images/2012/05/15/Sendeirismo-polo-rio-Grande-Expedicion-Foto-Victor-Santos.jpg)
![Sendeirismo polo rio Grande - nas Torres de Cereixo - Foto- Victor Santos](/media/quepasanacosta/images/2012/05/15/Sendeirismo-polo-rio-Grande-nas-Torres-de-Cereixo-Foto-Victor-Santos.jpg)
Seguinte ruta vimiancesa-camariñá
A fermosa ruta organizada polo departamento de deportes encandilou a todos os participantes que aseguraban repetir experiencia por eles mesmos, aínda que desde o concello organízanse máis rutas, a próxima será o 26 de maio e discorrerá polo concello de Camariñas.
Ruta dende Cee a Carnota
Outro Concello que artellaba unha saída esta fin de semana foi o de Cee, que marchou de sendeirismo por Carnota o pasado día 12 maio. O participantes visitarón a Aldea de San Cibrán e subiron o roteiro panorámico onde divisaron Carnota, Corcubión, Cee, Illas Lobeiras.... Despois de xantar en Boca de Río desprazáronse Muros onde pasaron a tarde.
![Maiores sendeiristas de Cee por Carnota](/media/quepasanacosta/images/2012/05/15/Maiores-sendeiristas-de-Cee-por-Carnota.jpg)
Sendeirismo tamén de Corcubión a Muxía
![Sendeirismo Corcubion-Muxia](/media/quepasanacosta/images/2012/05/15/Sendeirismo-Corcubion-Muxia.jpg)
Outro que se anima ás rutas é o Concello de Corcubión, que organiza unha nova Xornada de Sendeirismo e Convivencia. A cita será o domingo 20 de maio con saída as 09:00 da praza de Castelao con destino Muxía, cun percorrido de 12 Km.
A primeira parte do percorrido é executado ao longo da costa, seguindo a estrada para Touriñán. Pasando o espazo natural de dunas e a praia de Lourido ata a aldea co mesmo nome. de aí subindo ao alto do monte Facho, pra disfrutar das vistas da ría de Camariñas y do Cabo Touriñán logo descenderase ata Moraime para visitar ó lugar de maior interese histórico da ruta para volver a Muxía.
As preinscripcións poderán facerse nas oficinas do Concello ou no Pabillón Polideportivo e tamén chamando ó 981 745400/981746753.
Para máis información diríxanse as oficinas municipais ou a Concellería de Deportes.
Novas relacionadas
- Camariñas, Ponteceso e Vimianzo únense para fomentar as rutas de sendeirismo.
- Costa da Morte: un espazo de rali… fotográfico.
- Javier Couto: “O turista cada día é máis esixente, e cada vez pide máis sendeirismo”.
- Recunchos da Costa: Cereixo.
- Facendo cumio do Roteiro das Peixeiras do Monte Pindo.
- Un roteiro ata a Casa do Demo.
- Roteiros homologados na Costa da Morte?.
- Carballo abre novas sendas a pé e en bici.
- A bitácora da semana (CXLV): Camiños da Fin da Terra – Sendeirismo na Costa da Morte.
- A bitácora da semana (CLXIII): Rutas Costa da Morte por Camariñas.
Fonte
- Concello de Vimianzo e Concello de Corcubión.
- Redacción de QPC ([email protected]).