31 bares participan na nova Ruta do Vermú de Inverno de Carballo

presentacion_Vermu de inverno de Carballo — Imaxe da presentación da ruta

10:33 31/10/23

Boa aposta pola hostalería do Concello de Carballo coa creación da ruta Vermú de Inverno. Do 4 de novembro ao 10 de decembro, todos os sábados e domingos, de 12.00 a 14.00 horas, 31 establecimentos carballeses das 7 parroquias ofrecen unha ruta oara probar diferentes vermús galegos acompañados dunha tapa de culler.

Unha iniciativa que trata de "dinamizar a hostalaría nunha época de baixón da actividade despois do verán e antes do Nadal, poñendo en valor ao mesmo tempo a cantidade, variedade e calidade do vermú galego e fomentando a cociña tradicional a través das tapas de culler, con pratos tradicionalmente vinculados ao inverno", explicou o Concelleiro de Promoción Económica, Xosé Regueira.

A ruta conta ademais cun sorteo, que terá como premio unha viaxe para dúas persoas a Tarragona, onde, á parte de gozar dunha estancia dunha fin de semana en réxime de media pensión, visitarán o Museo do Vermut de Reus.

Para participar, podes conseguir o pasaporte do Vermú de Inverno en calquera dos establecementos participantes e empeza a percorrer o concello. En cada local no que fagas unha consumición de vermú galego conseguirás un selo no pasaporte. Cando teñas 12 selos de diferentes bares de 3 parroquias distintas podes o teu pasaporte no Museo de Bergantiños.

Presentación

O Vermú de Inverno presentouse onte na Escola de Hostalaría do Fórum Carballo, coincidindo cunha xornada de formación para os/as hostaleiros/as participantes, impartida por Alberto Varela, “a persoa que máis sabe de viños e de vermús”, asegurou o concelleiro de Promoción Económica e Turismo.

Aquí tes a listaxe de establecementos participantes, para que poidas ir preparando a túa propia ruta: