Martes. 23.07.2024
El tiempo

Carballo acolle un novo curso de verán da UDC sobre dinamización lingüística no eido do lecer

Curso de Veran da UDC en Carballo
O director do curso; Xosé Manuel Sánchez Rei; o alcalde, Evencio Ferrero; o secretario xeral da UDC Carlos Aymerich, e a concelleira de Normalización Lingüística, Ángeles Pacoret.
Carballo acolle un novo curso de verán da UDC sobre dinamización lingüística no eido do lecer

Carballo volverá recibir, os días 12 e 13 deste mes de xullo, unha nova edición do curso de verán sobre dinamización lingüística Traballando en lingua, unha iniciativa na que veñen colaborando desde hai anos o Concello e a Universidade da Coruña e que supón unha “manifestación clara da necesidade que compartiamos de normalizar o uso do galego en todos os ámbitos e de dotarnos de ferramentas para que ese uso da nosa lingua avance, neste caso no ámbito do lecer”.

Por iso a edición deste ano céntrase en mellorar a presenza da lingua no eido do libre, no lecer, no sendeirismo, no deporte...

O prazo de matrícula para o curso de verán Traballando en lingua no lecer está aberto até o día 6 de xullo, e aínda quedan prazas disponibles. Hai diferentes modalidades de matrícula:

  • para membros da comunidade da UDC, alumnado doutras universidades, persoas desempregadas ou pensionistas terá un importe de 30 euros
  • a inscrición xeral será de 50 euros
  • haberá tamén catro bolsas con matrícula gratuíta

O curso vai destinado a persoas que traballan ou que están interesadas no proceso de normalización da lingua galega, especialmente técnicos/as de normalización lingüística, docentes, dinamizadoras/es socioculturais, estudantes... cun completo programa.

Dende o Concello de Carballo valoran a colaboración coa UDC, que se vai ampliando con iniciativas como a Universidade Sénior, que agardan poñer en marcha de cara ao curso que vén.

Comentarios