Segue a ser Carballo un referente a nivel estatal de humanización dos seus esapzos urbanos. Proxectos como o Rexenera Fest ou Derrubando Muros con Pintura; experiencias como o Urbanismo táctico ou o pedibús; proxectos como “Cicl-ando” ou o proceso de peonización do centro urbano; e ata recoñecementos como o Premio Ciudad que Camina 2018, permiten que Carballo exporte experiencia por todo o estado, como unha das 10 cidades europeas de menos de 100.000 habitantes con mellores prácticas ambientais.

Así non é de estranar que Carballo se convirta na capital da mobilidade este vindeiro mes de outubro. O 7 e o 8 de outubro acolle o 8º Congreso Cidades que Camiñan. Co lema “Andando enténdese a xente”, 63 cidades de 3 países que integran a día de hoxe a Rede de Cidades, achegaranse á capital de Bergantiños.

Ana Montalbán, secretaria técnica da Rede de Cidades que Camiñán; Miguel Anxo Fernández Lorez, presidente da Rede e alcalde de Pontevedra, e Evencio Ferrero, alcalde de Carballo, debullaron un congreso “centrado na camiñabilidade, en como facer mellores as nosas cidades para camiñar e para estar na rúa, para a recuperación do espazo público para as persoas, en definitiva”.

O 7 de outubro pola tarde celebrarase a asemblea xeral das cidades da Rede, e o 8 abre as portas do Pazo da Cultura para recibir a todas as persoas que queiran achegarse e participar nas actividades previstas.

As inscricións poderán realizarse, de balde, cubrindo o formulario que estará dispoñible nos vindeiros días na páxina web www.ciudadesquecaminan.org.

Novas relacionadas

• 2021: O Rexenera Fest fai Carballo máis camiñable e agradable de pasear”.
• Maio 21: Urbanismo táctico: Mellorando a seguridade nas zonas escolares carballesas.
• Abril 21: Carballo adxudica as dúas últimas sendas das 9 que forman o proxecto “Cicl-ando”.
• Febreiro 2020: Carballo exporta experiencia en medidas de mobilidade urbana.
• Setembro 2020: As bicis e o pedibús protagonistas no último día da Semana da Mobilidade de Carballo.
• Xuño 2020: Carballo, entre as 10 cidades europeas de menos de 100.000 habitantes con mellores prácticas ambientais.
• 2019: Carballo, o único Concello que utiliza a palabra sostibilidade.
• 2018: Carballo recibiu en Badaxoz o Premio Ciudad que Camina 2018.
• 2014: A documental que derruba muros con pintura .