Carballo aprobou por unanimidade 30 quilos de de PXOM

10:24 03/02/15

Despois de 11 anos de tramitación, e 47 xuntanzas entre técnicos e corporativos, o pleno do Concello de Carballo aprobaba onte, por unanimidade, o tan necesario Plan Xeral de Ordenación Municipal. Era necesario o compromiso de toda a corporación, xa que a vixencia, de 16 anos, requería maioría absoluta. E o pleno respondeu.

Con este novo documento, que pesa nada menos que 30 kilos, o Concello deixaría de rexerse polas normas subsidiarias dos anos 80, en vigor dende a anulación por sentenza do Tribunal Superior de Xustiza de Galicia (TSXG) do PXOM de 2003.

Agora tócalle á Xunta darlle o visto bo, e facer a aprobación definitiva, despois de que toda a oposición (se ben Terra Galega asegurou que “mellor ter un mal plan aprobado que non ter plan”) demostrase o seu compromiso, aprobado despoos de engadir as modificacións suxeridas polos distintos informes sectoriais emitidos pola Xunta e especialmente o reflectido na Memoria Ambiental, documento recibido no Concello a primeiros do mes de decembro.

Controlar o crecemento

O PXOM, esta ferramenta de xestión, servirá para seguir fomentando o crecemento, pero dende o control. O PXOM mantén unha capacidade residencial practicamente inalterable respecto da aprobación inicial, con 30.002 vivendas (máis de 12.000 novas), co obxectivo de concentrar o crecemento en "solo urbano consolidado", priorizándose o colmatado das medianeiras e das parcelas baleiras fronte a novas construcións. Segundo o documento, "o exceso de solo urbanizable" vén dado porque un dos obxectivos prioritarios debería ser "o remate das tramas urbanas existentes" ao tratarse Carballo dunha vila con "presenza de entramados inacabados”.