O novo Punto SPEG quedou instalado esta semana no edificio de Servizos Múltiples da avenida do Ambulatorio Os veciños e veciñas de Carballo e da contorna contan dende esta semana cun novo lugar onde renovar a súa tarxeta de demanda de emprego. Así, quedou insalado no edificio de Servizos Múltiples - ubicado na avenida do Ambulatorio - un Punto SPEG. Trátase dun posto de autoservizo que achega e facilita a comunicación entre o cidadán e o Servizo Público de Emprego de Galicia, ao tempo que permite realizar certas xestións sen necesidade de acudir a unha oficina de emprego. Deste xeito, o Punto SPEG permite renovar a demanda de emprego mediante pegada dactilar, acceder ás ofertas de traballo ou ás páxinas web dos diferentes servizos públicos de emprego autonómicos e estatal. Sen embargo, para poder renovar a demanda debe acudirse previamente á oficina de emprego para rexistrar a pegada dactilar e así darse de alta no sistema, pero a partir dese rexistro xa se poderá operar desde calquera punto de información da comunidade autónoma. Maica Ures - concelleira de Igualdade e Benestar de Carballo - valorou de xeito positivo a instalación do punto de información, xa que achega o servizo á cidadanía e convértese nun recurso máis para as persoas usuarias do departamento de Servizos Sociais. A pranta baixa do Fórum de Carballo acolle a oficina de emprego. Novas relacionadas

• O director da SEPE visita as futuras oficinas de emprego de Cee
• O Servizo de Emprego trasládase ao Fórum Carballo

Fonte

• Redacción QPC ([email protected])
• Concello de Carballo