Carballo presume de graffitis polo Día do Peón

Quixo celebrar o Día do Peón o Concello de Carballo. E fíxoo cunha ruta guiada polos murais dos pioneiros proxectos Rexerera Fest e Derrubando Muros con Pintura.

Foron dous grupos de 10 persoas, chegadas de puntos como Lugo ou A Laracha, e mesmo veciños da propia localidade carballesa que quixeron entender mellor como se forxou este museo a ceo aberto, os que participaron no percorrido na contorna do Fórum Carballo.

O servizo de visitas guiadas segue aberto, e para solicitalo podes cubrir un formulario, chamar ao 981 702 077 ou escribir a museo@carballo.gal.

Segue medrando así a febre do mural, do graffiti, pola comarcal. Unha febre que Carballo está estendendo por Corcubión, Corme, Vimianzo, Cee, Camariñas ou Baio.

Novas relacionadas

• Xosé Regueira, sobre o Rexenera Fest: "Necesitabamos osixenar a mente e a cultura é a mellor maneira de facelo”.
• Carballo é unha das 18 cidades europeas que opta ao premio Folla Verde Europea 2021.