Rematou a serie de Conversas do Rural e o programa de Inverno Ancestral de Senda Nova. A activa entidade bergantiñá organizou unha serie de faladoiros nos que a veciñanza puido descubrir os últimos segredos arredor das píllaras das dunas en Razo-Baldaio da man de Xabi Varela; viviu como foron eventos socioculturais como a Festa da Furna de Corme ou o Festival de Pardiñas cos mapicáns Óscar Calvo e Euloxio Nieto; ou coñecendo de primeira man a actividade cultural dun lugar veciño como Tordoia da man das activistas da Asociación Brisas do Quenllo.

A última sesión tiña lugar esta pasada fin de semana da man de Cristina Vázquez del Prisco. A laxense fixo un repaso pola difícil situación dos campos de refuxiadxs saharauis, en territorio arxelino. A activista laxense ten participado en diferentes proxectos de axuda e mesmo ven de visitar o deserto de Tinduf onde viven na actualidade unhas 175 000 persoas.

Máis novas