Continúa apostando polos festivais de arte urbana a área de turismo da Deputación. E faino con investimentos concretos, apoiando con 150.000 euros en subvencións para ps festivais municipais de arte urbana da provincia.

Así o anunciaba esta mañá o vicepresidente e deputado de turismo, o carballés Xosé Regueira, nunha visita ao Concello de Rianxo, unha das entidades que recibe estas axudas xunto co Rexenera Fest, de Carballo, que recibirá máis de 43.000€.

“Con esta liña de apoio aos festivais de arte urbana, apostamos por iniciativas que recrean o espazo público e que teñen a creatividade como
estratexia” salienta Regueira.

As axudas repartiranse entre cinco beneficiarios, deste xeito:

• VII edición do Cromático Mural Fest, do Concello de Cambre: 41.291 €.
• Festival Rexenera Fest 2024, do Concello de Carballo: 43.750 €.
• II Expresa Oleiros Urban Fest, do Concello de Oleiros: 39.265 €.
• XVII Festival de Arte Urbano DesOrdes Creativas, do Concello de Ordes: 36.775 €.
• Concello de Rianxo: 27.400 €.

Máis novas